នៅថ្ងៃនេះ អ្នកទម្លាយព័ត៌មាន @DCS បានទម្លាយនូវព័ត៌មានចុងក្រោយបំផុតនៅលើបណ្តាញសង្គម weibo របស់ខ្លួនស្តីអំពីថេប្លេតស៊េរីថ្មីរបស់ក្រុមហ៊ុន OPPO។ បើតាមការបញ្ជាក់របស់គាត់ បានអោយដឹងថា ថេប្លេត OPPO នេះ នឹងមានបន្ទះឈីប Snapdragon 870 SoC នឹងមានអេក្រង់ល្បឿន 120Hz refresh rate ទៀតផង។ យ៉ាងណាមិញ បើតាមរបាយការណ៍ជាច្រើនកាលពីមុននេះ គឺបង្ហាញដែរថា ថេប្លេត OPPO នេះ នឹងទ្រទ្រង់នូវកិច្ចសហការរវាងស្មាតហ្វូន និងថេប្លេតផងដែរ។
ថេប្លេតនេះ ត្រូវបានគេទម្លាយថា ក៏អាចភ្ជាប់ទំនាក់ទំនងរវាង Notebooks, TVs ស្មាតហ្វូន ថេប្លេត កាសស្តាប់ និងនាឡិកានាពេលខាងមុខនេះផងដែរ។ បន្ថែមពីនេះទៀតននោះ ក៏មានការបញ្ចេញរូបភាព Screenshot របស់ផលិតផលថ្មីនេះដែរ ដោយក្នុងនោះ ក៏មានការបង្ហាញថា ស្មាតហ្វូននេះ ទ្រទ្រង់នូវ Refresh Rate ចំនួន 2 គឺ 120Hz និង 60Hz ហើយកម្រិតភាពច្បាស់របស់វាគឺ 1600x2500px។ ថេប្លេត OPPO នេះនឹងមានអេក្រង់ខ្នាត 16:10 និងមានកម្រិត 2K refresh rate ផងដែរ។
អ្នកទម្លាយព័ត៌មាន @DCS បាននិយាយថា ថេប្លេត OPPO នេះ នឹងបង្ហាញខ្លួននៅក្នុងឆមាសទី 1 ឆ្នាំ 2022 ខាងមុខនេះហើយស្របពេលដែលរបាយការណ៍ជាច្រើនមុននេះ បានអះអាងថា ថេប្លេតនេះនឹងបង្ហាញខ្លួនជាផ្លូវការនៅក្នុងខែធ្នូនេះ។ ជាមួយគ្នានេះ អ្នកទម្លាយ Mukul Sharma (@stufflistings) បានបញ្ជាក់ទៅកាន់ 91mobiles ថា ថេប្លេតនេះ នឹងដាក់លក់ជាផ្លូវការនៅក្នុងប្រទេសចិន។ បន្ថែមពីនេះទៀតនោះ 91mobiles បានបន្តអះអាងថា ថេប្លេត OPPO នេះ អាចនឹងបង្ហាញខ្លួននៅក្នុងហាងជាច្រើននៅក្នុងប្រទេសឥណ្ឌានៅក្នុងឆមាសទី 1 ឆ្នាំ 2022 នេះ៕