មានការបែកធ្លាយនូវព័ត៌មានថ្មីមួយ បានអោយយដឹងថា ក្រុមហ៊ុន Motorola កំពុងតែធ្វើការនៅលើស្មាតហ្វូនថ្នាក់ប្រណិតថ្មីមួយ ដែលមានឈ្មោះថា "Frontier" ដែលស្មាតហ្វូននេះ គឺបានមានការបំពាក់នូវមុខងារ និងបច្ចេកវិទ្យាថ្មីៗ មានភាពទាក់ទាញខ្លាំងមែនទែន។ បើតាមសេចក្តីរាយការណ៌នេះ គឺបានបញ្ជាក់ថា ស្មាតហ្វូននេះ នឹងមានអេក្រង់ OLED display ទំហំ 6.67-inch ដែលមានគែមកោង បង្ហាញចេញបានក្នុងកម្រិត FHD+ ជាមួយនឹងល្បឿន 144Hz។
ស្មាតហ្វូននេះ គឺនឹងប្រើប្រាស់នូវបន្ទះឈីប Snapdragon 8 ប៉ុន្តែមិនមែនជាឈីបដូចគ្នាទៅនឹងស្មាតហ្វូន X30 ដែលប្រើប្រាស់នូវ Qualcomm Snapdragon 8 Gen 1 នោះទេ ប៉ុន្តែសមត្ថភាពរបស់បន្ទះឈីបនេះ គឺដូចគ្នាទៅនឹងបន្ទះឈីប TSMC's 4nm ដែលបានប្រើប្រាស់នៅលើស្មាតហ្វូន Samsung អញ្ចឹងដែរ។ ស្មាតហ្វូន Frontier នេះ ត្រូវបានគេរាកយារណ៍ថា និងមានរ៉េមទំហំ 8GB និងមានមេម៉ូរីទំហំ 128GB ហើយនិងម៉ូដែលមួយទៀតមានរ៉េមទំហំ 12GB និងមានមេម៉ូរីទំហំ 256GB។
ស្មាតហ្វូន Motorola Frontier ត្រូវបានគេបបញ្ជាក់បន្ថែមថា គឺនឹងមានប្រើប្រាស់នូវសិនស័រកាមេរ៉ា Samsung's 200MP S5KHP1 សម្រាប់កាមេរ៉ាគោល និងមានគ្រាប់ទីពីរទំហំ 50MP Samsung S5KJN1SQ03 (JN1) ultrawide snapper រួមជាមួយនឹងគ្រាប់ទីបីមានទំហំ 12MP IMX663 telephoto។ សម្រាប់កាមេរ៉ាមុខនៅមិនទាន់មានការបញ្ជាក់ច្បាស់នៅឡើយទេ។ ប៉ុន្តែមានការព្យាករណ៍ថា កាមេរ៉ាមុខរបស់ Frontier ននេះ មាចនឹងមានទំហំ 60MP OmniVision OV60A sensor ដូចកាមេរ៉ាដែលប្រើលើស្មាតហ្វូន Edge X30 អញ្ចឹងដែ។