OPPO គឺជាក្រុមហ៊ុនផលិតស្មាតហ្វូនដ៏ធំមួយរបស់ប្រទេសចិន ដែលទើបតែប្រកាសចេញនូវស្មាតហ្វូន Reno7 ចំនួន 3 ម៉ូដែលនៅក្នុងប្រទេសចិនកាលពីខែវិច្ឆិកាកន្លងទៅ ដែលស្មាតហ្វូនថ្មីនេះ គឺមានដូចជា ម៉ូដែល Reno7 5G, Reno7 Pro 5G និង Reno7 SE 5G។ ថ្មីៗនេះ សម្រាប់ឈ្មោះ Reno7 បានបង្ហាញខ្លួនជាមួយនឹងការទទួលបាននូវវិញ្ញាបនបត្រនៅសហភាពអ៊ឺរ៉ុប ហើយស្មាតហ្វូននេះគឺមានឈ្មោះហៅថា OPPO Find X5 Lite។
ស្មាតហ្វូន Find X5 Lite នេះ ត្រូវបានគេបញ្ជាក់ថា នឹងក្លាយជាឈ្មោះអន្តរជាតិរបស់ស្មាតហ្វូន Reno7។ ស្មាតហ្វូន Reno7 Pro និង Reno7 SE ក៏ប្រើប្រាស់នូវឈ្មោះហៅថាFind X5 ផងដែរ។ អ្វីដែលគួរអោយចាប់អារម្មណ៍នោះ ក្រុមហ៊ុន OPPO ប្រហែលជាបោះបង់ចោលនូវលេខ 4 និងជំនួសនូវលេខ 5។
ស្មាតហ្វូន OPPO Reno7 5G ឬមានឈ្មោះហៅថា Find X5 Lite គឺមានអេក្រង់ 6.43-inch, 90Hz, 1080p AMOLED, Snapdragon 778G ជាមួយនឹងរ៉េមទំហំ 8GB និង 12GB និងម៉េមូរីទំហំ 8GB-128GB, 8GB-256GB និង 12GB-256GB។ស្មាតហ្វូននេះគឺមានកាមេរ៉ាទំហំ 64MP, 8MP ultrawide និង 2MP macro ។ស្មាតហ្វូននេះគឺមានកាមេរ៉ាខាងមុខទំហំ 32MP selfie ។ ស្មាតហ្វូននេះមានថាមពលថ្មទំហំ 4,500 mAh និងបច្ចេកវិទ្យា 60W ។ តម្លៃរបស់ស្មាតហ្វូន Reno7 5G គឺ CNY 2,699 ៕
