ក្រុមហ៊ុន Samsung ត្រូវបានគេទម្លាយជាថ្មីថា នឹងបង្ហាញចេញនូវវត្តមានរបស់ស្មាតហ្វូន Galaxy S series ជាមួយនឹងជម្រើសការប្រើប្រាស់បន្ទះឈីបចំនួនពីរប្រភេទផ្សេងគ្នា ហើយស្មាតហ្វូនទាំងនេះ រួមមានដូចជា Galaxy S22, Galaxy S22+ និងស្មាតហ្វូន Galaxy S22 Ultra។ ស្មាតហ្វូនទាំងនេះ នឹងប្រើប្រាស់ឈីប Qualcomm pសម្រាប់ទីផ្សារមួយចំនួន ខណៈដែលទីផ្សារមួយចំនួនទៀត គឺនឹងប្រើប្រាស់នូវឈីប Exynos 2200។
មានការបញ្ជាក់ថា កន្លងមក ក្រុមហ៊ុនផលិតស្មាតហ្វូនដ៏ធំរបស់ប្រទេសកូរ៉េខាងត្បូងមួយនេះ គឺមានបញ្ហាជាមួយនិងផលិតបន្ទះឈីបនៅក្នុងទឹកដីរបស់ខ្លួន ប៉ុន្តែពេលនេះអ្វីៗគឺបានបញ្ចប់រួចរាល់អស់ហើយ ដោយស្មាតហ្វូនដែលប្រើប្រាស់បន្ទះឈីប Exynos 2200 នេះ នឹងបង្ហាញវត្តមានសម្រាប់ទីផ្សារតំបន់អឺរ៉ុបនាពេលខាងមុខនេះ ខណៈដែលតាមហាងមួយចំនួននៅទីនោះក៏បានទម្លាយចេញនូវព័ត៌មានដែលបញ្ជាក់ពីស្មាតហ្វូនដែលប្រើប្រាស់ឈីបនេះផងដែរ។
សូមជំរាបថា កន្លងមក ស្មាតហ្វូននេះ បានបង្ហាញវត្តមាននៅលើ Geekbench listings ជាមួយនិងលេខម៉ូដែល SM-S901B, SM-S906B និង SM-908B ដែលស្មាតហ្វូនទាំងអស់នេះ គឺប្រើប្រាស់នូវឈីប Exynos ទាំងអស់។ ហើយសម្រាប់ស្មាតហ្វូនដែលប្រផប្រាស់នូវ Qualcomm គឺចេញលក់នៅទីផ្សារសហរដ្ឋអាមេរិក កូរ៉េខាងត្បូង ហើហើយនិងប្រទេសចិន ដែលមានលេម៉ូដែល SM-S901E, SM-S906E និង SM-S908E។
ជាមួយគ្នានេះ ហាងលក់រាយ Zanetti Shop និង Epto នៅក្នុងប្រទេសអ៊ីតាលីក៏បានរៀបចំបញ្ចេញព័ត៌មានស្មាតហ្វុននេះនៅក្នុងផេករបស់ពួកគេផងដែរ ប៉ុន្តែនៅមិនទាន់មានការបង្ហាញរូបភាពនៅឡើយទេ។ ស្មាតហ្វូននេះ ចេញលក់ជាមួយនឹង €1,190 សម្រាប់ម៉ូដែល Galaxy S22+ មានរ៉េម 8GB-128GB ។