Microsoft Surface Pro X 2021 ដែកជាកុំព្យូទ័រជំនាន់ថ្មីមួយ បានបង្ហាញខ្លួនជាផ្លូវការណ៍នៅក្នុងប្រទេសឥណ្ឌា ហើយផលិតផលថ្មីនេះ គឺមានការអាប់ដេតយ៉ាងច្រើនបើធៀបជាមួយនឹងម៉ូដែល Surface Pro X 2020។ នៅលើវេបសាយផ្លូវការណ៍៍របស់ក្រុហមហ៊ុននេះ ផលិតផលនេះ គឺមានឈ្មោះហៅថា Surface Pro X 2021 ដែលមានកម្រ៉ាស់ស្តើង ហើយនិងតួស្រាលបំផុតរបស់ក្រុមហ៊ុននេះ។
Microsoft Surface Pro X 2021 គឺត្រូវបានគេស្គាល់ថា ជាប្រភេទកុំព្យូទ័រ PixelSense touchscreen Surface 13-inch ដែលមានវត្តមាននៅលើទីផ្សារផងដែរ ដែលផលិតផលនេះ ប្រើប្រាស់នូវប្រព័ន្ធប្រតិបត្តិការ Windows 11 ។ កុំព្យូទ័រ Microsoft Surface Pro X 2021 នេះប្រើប្រាស់នូវបន្ទះឈីប Microsoft SQ2 និង Microsoft SQ1 ហើយនឹងមានតែប្រភេទ WiFi Only ប៉ុណ្ណោះ។ Surface Pro X 2021 គឺស្ថិតនៅក្នុងក្រុម Surface for Business ដែលប្រើប្រាស់នូវបន្ទះឈីប Microsoft SQ1 processor។ សម្រាប់ទំហំ 8GB+128GB Storage គឺមានតម្លៃ INR 94,599 និងទំហំ 8GB+256GB គឺមានតម្លៃ INR 1,13,299 ។
នៅក្នុងក្រុម Business នោះ Surface Pro X 2021 វិញ ផលិតផលនេះ គឺប្រើប្រាស់នូវបន្ទះឈីប Microsoft SQ2 និងមានរ៉េមទំហំ 16GB និងមេម៉ូរីទំហំ 256GB មានតម្លៃ INR 1,31,799 ខណៈដែលម៉ូដែល 16GB និង 512GB គឺមានតម្លៃ INR 1,50,499។ ចំពោះ Surface Pro Signature Type Cover និង Keyboard ដែលជា Accessories របស់ផលិតផលនេះ គឺត្រូវទិញបន្ថែមខាងក្រៅ។ អ្នកប្រើប្រាស់អាចធ្វើការ Pre-order ផលិតផលថ្មីបានតាមរយៈ Reliance Digital។ គួរបញ្ជាក់ផងដែរថា Microsoft Surface Pro X គឺបានបង្ហាញខ្លួនជាលើកដំបូងនៅក្នុងខែមីនាឆ្នាំ 2020 គឺលក់នៅក្នុងតម្លៃ $1,224 ៕