តម្លៃរបស់ស្មាតហ្វូន Samsung Galaxy S22 Series និង Galaxy Tab S8 ត្រូវទម្លាយនៅក្នុងការបែកធ្លាយមួយមុនការប្រកាសជាផ្លូវការណ៌។ ក្រុមហ៊ុនបច្ចេកវិទ្យាយក្សរបស់ប្រទេសកូរ៉េខាងត្បូង បានទម្លាយថា ស្មាតហ្វូន Galaxy S22 Series នឹងបង្ហាញខ្លួននៅខែក្រោយនេះ។ ក្រុមហ៊ុន Samsung នឹងបង្ហាញនូវស្មាតហ្វូនប្រណិតចំនួន 3 ម៉ូឌែលនៅក្នុងព្រឹត្តិការណ៍ខាងមុខនេះ។ ក្រុមហ៊ុននេះ នឹងបង្ហាញស្មាតហ្វូន Galaxy S22, Galaxy S22+ Galaxy S22 Ultra។
នៅក្នុងរបាយការណ៍ជាច្រើនមុននេះ មានការទម្លាយថា ស្មាតហ្វូននេះ នឹងបង្ហាញខ្លួននៅថ្ងៃទី 8 ខែកុម្ភៈខាងមុខនេះ។ ស្មាតហ្វូន Galaxy S22 series នឹងចាប់ផ្តើម Pre-order ចាប់ពីថ្ងៃទី 9 ខែកុម្ភៈនេះ។
អ្នកទម្លាយ Chun ក៏បានបង្ហាញព័ត៌មាននៃតម្លៃរបស់ស្មាតហ្វូន Galaxy S22 series និង Galaxy Tab S8 ផងដែរ។ ស្មាតហ្វូន Galaxy S22 នឹងមានតម្លៃថោកជាង $900 ខណៈពេលដែលស្មាតហ្វូនGalaxy Ultra នឹងមានតម្លៃទាបជាង $1299។
ក្រៅពីនេះ តម្លៃរបស់ថេប្លេត Samsung Galaxy Tab S8 series ក៏ត្រូវបានទម្លាយនៅក្នុងរបាយការណ៍មួយទៀតផងដែរ។ Galaxy Tab S8 series នឹងមានម៉ូឌែល Tab S8, Tab S8+ និង Tab S8 Ultra ។ សម្រាប់ Tab S8 WiFi នឹងមានតម្លៃប្រហែលជា EUR 680-700 ។ សម្រាប់ 8GB RAM+256GB គឺមានតម្លៃ EUR 730-750 ។ ថេប្លេតនេះនឹងមានពណ៌ Pink Gold, ទឹកប្រាក់ និងប្រផេះ៕
