កាន់តែច្បាស់ហើយ iPhone 14 Pro គឺពិតជានឹងប្រើលែនទំលុះអេក្រង់ចំនួនពីរដើម្បីជំនួសឲ្យឆកថ្ងាសទូលាយនៅលើជំនាន់មុនៗ

យើងបានដឹងហើយថា ក្រុមហ៊ុន Apple ពេលនេះបាននឹងកំពុងដំណើរការលើសង្វាក់ផលិតទូរស័ព្ទ iOS ជំនាន់ថ្មីគឺ iPhone 14 Series។ ស្របពេលជាមួយគ្នានេះ មានប្រភពព័ត៌មានចចាមអារ៉ាម និងរបាយការណ៍ជាច្រើនបានធ្វើការចេញផ្សាយទាក់ទងនឹងទូរស័ព្ទ iOS ជំនាន់ថ្មីរបស់ក្រុមហ៊ុនបិតាបច្ចេកវិទ្យា Cupertino របស់អាមេរិកមួយនេះ។ ដោយប្រភពខ្លះ បាននិយាយថា Apple នឹងធ្វើការកែប្រែទៅលើរចនាបថអេក្រង់ iPhone ជំនាន់ថ្មីឆ្នាំ 2022 ប៉ុន្តែ នៅរក្សាទម្រង់ឌីស្សាញរូបរាងខាងក្រៅដូចជំនាន់មុនដដែល។

បើតាមប្រភពដែលបានចុះផ្សាយជាច្រើនកន្លងមកបាននិយាយថា Apple នឹងធ្វើការផ្លាស់ប្តូរបន្ទះអេក្រង់នៅលើម៉ូដែល iPhone 14 Pro និង 14 Pro Max ដោយប្តូរពីការប្រើអេក្រង់ឆកថ្ងាសទូលាយមកជារន្ធទំលុះអេក្រង់វិញ ដើម្បីបង្កក់លែនកាមេរ៉ាសែលហ្វី រីឯសែនស័រស្កែនមុខ Face ID គឺនឹងបង្កប់នៅខាងក្រោមអេក្រង់។ ដោយឡែកក្នុងពេលនេះមានប្រភពរបាយការណ៍ថ្មីចុងក្រោយមួយទៀតបានចុះផ្សាយថា Apple នឹងប្រើរន្ធទំលុះអេក្រង់ចំនួនពីរជំនួយឲ្យឆកថ្ងាសទូលាយសម្រាប់ iPhone 14 ម៉ូដែល Pro នេះបើតាមការបង្ហើបឲ្យដឹងពីលោក Ross Young មកពីក្រុមហ៊ុន Display Supply Chain Consultants។ 

no-alternative title

 

លោក Young បាននិយាយថា iPhone 14 Pro នឹងមានអេក្រង់ជាលែនទំលុះប្រភេទ Pill-Shaped មួយគ្រាប់ និងមួយគ្រាប់ទៀតជារន្ធទំលុះអេក្រង់ Punch-hole សម្រាប់ដាក់សែនស័រ Face ID។ លោកបានបញ្ជាក់ផងដែរថា Apple មានបំណងលុបបំបាត់ចោលអេក្រង់ឆកថ្ងាសទូលាយនៅលើ iPhone ដែលជាកន្លែងសម្រាប់ដាក់សែនស័រកាមេរ៉ា Face ID និងសែនស័រមួយចំនួនទៀតដែលបានប្រើតាំងតែពីជំនាន់ iPhone X ដែលចេញដំបូងកាលពីឆ្នាំ 2017។

Apple ត្រូវបានគេរំពឹងទុកថា នឹងប្រកាសចេញទូរស័ព្ទ iPhone 14 Series ចំនួន 4 ម៉ូដែលនៅខែកញ្ញា ឆ្នាំ 2022 ដោយក្នុងនោះរួមមាន iPhone 14 6.1-inch, iPhone 14 Max 6.7-inch, iPhone 14 Pro 6.1-inch និង iPhone 14 Pro Max 6.7-inch។ ហើយសម្រាប់ម៉ូដែល iPhone 14 Pro និង 14 Pro Max ត្រូវបានគេដឹងថា នឹងបំពាក់អេក្រង់ដែលមានលែនទំលុះជំនួសអោយអេក្រង់ឆកថ្ងាសធំនៅលើជំនាន់មុនៗ។ ក្រៅតែពីការប្តូរទៅប្រើអេក្រង់ស្ទាយថ្មីទៅ ទូរស័ព្ទ iOS ទាំងពីរស៊េរីនេះក៏នឹងបង្កើនសមត្ថភាពសែនស័រកាមេរ៉ាថតរូបខ្លាំងជាងជំនាន់មុនៗដោយអាចឡើងដល់ទំហំ 48MP ថែមទៀតផង។

ចំពោះតម្លៃវិញត្រូវបានគេព្យាករណ៍ថា iPhone 14 Pro នឹងមានតម្លៃចាប់ពីខ្ទង់ $1,099 និង iPhone 14 Pro Max មានតម្លៃខ្ទង់ចាប់ពី $1,199 ឡើងទៅ ចំនែក iPhone 14 អាចនឹងមានតម្លៃចាប់ពីខ្ទង់ $799 ឡើងទៅ ដែលជាតម្លៃប្រហាក់ប្រហែលគ្នានឹង iPhone 13 ដែរ៕

 

no-alternative title

ព័ត៌មានពាណិជ្ជកម្ម
អត្ថបទគួរចាប់អារម្មណ៍
វ៉ែនតាវៃឆ្លាត OPPO Air Glass កំពុងទទួលបានការចាប់អារម្មណ៍ ជាមួយនឹងមុខងារពិសេសៗកាន់តែអស្ចារ្យជាងមុន

វ៉ែនតាវៃឆ្លាត OPPO Air Glass កំពុងទទួលបានការចាប់អារម្មណ៍ ជាមួយនឹងមុខងារពិសេសៗកាន់តែអស្ចារ្យជាងមុន

ដោយ ប៉េងលីន
ទីបំផុតកំពូលស្មាតហ្វូនស៊េរីចុងក្រោយ Huawei nova 9 បង្ហាញវត្តមានជាផ្លូវការហើយជាមួយនឹងតម្លៃត្រឹមតែ...

ទីបំផុតកំពូលស្មាតហ្វូនស៊េរីចុងក្រោយ Huawei nova 9 បង្ហាញវត្តមានជាផ្លូវការហើយជាមួយនឹងតម្លៃត្រឹមតែ...

ដោយ ប៉េងលីន
 Xiaomi Zone – Pochentong (ពោធិ៍ចិនតុង) ចាប់បើកហើយ!

Xiaomi Zone – Pochentong (ពោធិ៍ចិនតុង) ចាប់បើកហើយ!

ដោយ ប៉េងលីន
ហាងលក់រាយនៅតំបន់អឺរ៉ុប បានទម្លាយចេញនូវតម្លៃរបស់ Galaxy S22 Series ដែលបំពាក់នូវបន្ទះឈីប Exynos 2200

ហាងលក់រាយនៅតំបន់អឺរ៉ុប បានទម្លាយចេញនូវតម្លៃរបស់ Galaxy S22 Series ដែលបំពាក់នូវបន្ទះឈីប Exynos 2200

ដោយ ប៉េងលីន
ដើម្បីអបអរបុណ្យចូលឆ្នាំចិន! OPPO ផ្តល់ជូនប្រូម៉ូសិនពិសេសរាល់ការទិញ OPPO Reno6 Z 5G និង OPPO A95 ចាប់ពីថ្ងៃនេះ ដល់ថ្ងៃទី 01 ខែកុម្ភៈ ឆ្នាំ2022

ដើម្បីអបអរបុណ្យចូលឆ្នាំចិន! OPPO ផ្តល់ជូនប្រូម៉ូសិនពិសេសរាល់ការទិញ OPPO Reno6 Z 5G និង OPPO A95 ចាប់ពីថ្ងៃនេះ ដល់ថ្ងៃទី 01 ខែកុម្ភៈ ឆ្នាំ2022

ដោយ ប៉េងលីន
OPPO Find X5 Lite នឹងក្លាយជាម៉ូដែលថ្មីរបស់ស្មាតហ្វូន Reno7 ដែលគ្រោងនឹងចេញលក់សម្រាប់ទីផ្សារសកល

OPPO Find X5 Lite នឹងក្លាយជាម៉ូដែលថ្មីរបស់ស្មាតហ្វូន Reno7 ដែលគ្រោងនឹងចេញលក់សម្រាប់ទីផ្សារសកល

ដោយ ប៉េងលីន