កាលពីសប្តាហ៍មុននេះ ស្មាតហ្វូន realme 9i ត្រូវបានគេដឹងថា ក្រុមហ៊ុនបានប្រកាសចេញជាផ្លូវការណ៍នៅក្នុងប្រទេសវៀតណាម ហើយថ្ងៃនេះ មានដំណឹងថា ស្មាតហ្វូននេះ អាចនឹងមានវត្តមាននៅលើទីផ្សារប្រទេសឥណ្ឌានាពេលឆាប់ៗនេះផងដែរ។ ស្មាតហ្វូន realme 9i នឹងដំណើរការជាមួយនឹងបន្ទះឈីប Snapdragon 680 ហើយនឹងមានវត្តមាននៅទីផ្សារឥណ្ឌានាថ្ងៃទី 18 ខែមករានេះ។
realme 9i គឺជាស្មាតហ្វូនថ្នាក់កណ្តាល មានអេក្រង់ទំហំ 6.6” LCD បង្ហាញចេញបានក្នុងកម្រិត FullHD+ resolution និងមានល្បឿន 90Hz refresh rate។ ស្មាតហ្វូននេះមានថ្មទំហំ 5,000mAh និងមានការគាំទ្រដោយបច្ចេកវិទ្យាសាកលឿនកម្លាំង 33W charging ព្រមទាំងមានកាមេរ៉ាគោលទំហំ 50MP main camera។
ស្មាតហ្វូន realme 9i ត្រូវគេប្រកាសចេញជាមួយពីរទំហំផ្សេងគ្នា គឺមានម៉ូដែលទំហំ 4GB-64GB និងម៉ូដែល 6GB-128GB ហើយជម្រើសទាំងពីរនេះ គឺនឹងមានចេញលក់លើទីផ្សារប្រទេសឥណ្ឌាដូចគ្នា។ ក្រុមហ៊ុននេះ បានសន្យាថា នឹងបញ្ចេញនូវព័ត៌មានថ្មីៗជាច្រើនទៀតនៅក្នុងពេលខាងមុខ ប៉ុន្តែបើគិតពីលក្ខណៈទូទៅនោះ គឺគេបានដឹងច្រើនរួចមកហើយ នៅតែតម្លៃប៉ុណ្ណោះដែលគ្រប់គ្នាបាននឹងកំពុងតែរង់ចាំ។
