ថ្មីៗនេះ ស្ថាប័ន DxOMark ទើបតែបញ្ចេញនូវលទ្ធផលនៃការធ្វើតេស្តទៅលើស្មាតហ្វូន vivo X70 Pro ដែលបានបង្ហាញវត្តមានកាលពីឆ្នាំមុន។ ក្រោយពីការធ្វើតេស្តអស់មួយរយៈពេល DxOMark បានបញ្ចេញនូវលទ្ធផលក៏ដូចជាពិន្ទុរបស់ស្មាតហ្វូននេះហើយ ដោយឈរនៅលំដាប់លេងរៀងទី 12 នៃតារាងស្មាតហ្វូនដែលមានកាមេរ៉ាខ្លាំង។
ស្មាតហ្វូន vivo X70 Pro មានពិន្ទុសរុប 131 ដែលស្មើរជាគ្នាជាមួយ OPPO Find X3 Pro និង vivo X50 Pro+។ ពិន្ទុនេះ គឺបាននាំមុខទៅលើ iPhone 13, 13 mini និង 12 Pro Max។ សម្រាប់ការថតរូប គឺមានពិន្ទុ 139 និងការហ៊្សូមទទួលបានពិន្ទុ 77 ហើយនិងការថតវីដេអូបានពិន្ទុ 111។
គួរបញ្ជាក់ថា ស្មាតហ្វូន vivo X70 Pro មានកាមេរ៉ាក្រោយ 3 គ្រាប់ ដោយកាមេរ៉ាគោលមានទំហំ 50MP Main (f/1.8) ដែលជាសែនស័រ Sony IMX766V មានមុខងារ OIS អាចហ៊្សូម Telephoto 2X Optical-zoom និងអាចថតទូលាយបានក្នុងកម្រិត Ultra-wide 116 ដឺក្រេ ហើយនិងគ្រាប់ទីពីរទំហំ 12MP ដូចគ្នា និងមួយគ្រាប់ចុងក្រោយមានទំហំ 8MP (f/3.4) ជាលែន Periscope 5X Optical-zoom ហើយក៏មាន OIS ផងដែរ។