ថ្មីៗនេះ ស្មាតហ្វូន Xiaomi 12 និងស្មាតហ្វូន Xiaomi 12 Pro ត្រូវបានគេដឹងថា គឺបានទទួលបាននូវស្បែកថ្មី MIUI 13.0.21 Stable Version រួចរាល់ហើយ ដោយការអាប់ដែតថ្មីនេះ គឺមានការពង្រឹងបន្ថែមទៅលើម៉ាស៊ីនជាមួយនឹងប្រព័ន្ធបច្ចេកវិទ្យាថ្មីមួយដែលគេហៅថា Memory Fusion Technology ដោយជាមួយនឹងការប្រើប្រាស់បច្ចេកវិទ្យាថ្មីនេះ ស្មាតហ្វូន Xiaomi 12 និង Xiaomi 12 Pro នឹងអាចបន្ថែមនូវរ៉េមទំហំ 3GB។
សូមជំរាបថា សម្រាប់រ៉េមរបស់ស្មាតហ្វូន Xiaomi 12 និង Xiaomi 12 Pro នៅពេលនេះគឺមានទំហំ 12GB ដូច្នេះនេះ មានន័យថា ស្មាតហ្វូនទាំងពីរនេះ នឹងមានរ៉េមទំហំដល់ទៅ 15GB។ បន្ថែមពីនេះទៀតនោះ ស្មាតហ្វូនន Xiaomi 12 និង Xiaomi 12 Pro ក៏នឹងមានការដាក់អោយប្រើប្រាស់នូវបច្ចេកវិទ្យា Dynamic performance scheduling technology ដែលអភិវឌ្ឍដោយខ្លួនឯងផ្ទាល់ផងដែរ ដើម្បីជួយក្នុងការបង្កើនទៅលើល្បឿននៃការលេងហ្គេមកាន់តែល្អជាងមុនផងដែរ។
នៅកំឡុងពេលនៃការប្រកាសចេញនូវស្មាតហ្វូន Xiaomi 12 Pro នេះ ក៏ធ្លាប់ត្រូវបានគេរាយការណ៍ថា ស្មាតហ្វូននេះ មានសមត្ថភាពខ្ពស់ក្នុងការលេងហ្គេមផងដែរ។ ស្មាតហ្វូននេះ មានការបំពាក់នូវអេក្រង់ដែលមានម្រិត Refresh Rate ល្បឿនដល់ទៅ 120Hz ដែលអនុញ្ញាតអោយអ្នកប្រើប្រាស់ អាចលេងហ្គេមជាមួយនឹងបទពិសោធន៍យ៉ាងរលូន និងគ្មានឧបសគ្គអ្វីនោះទេ៕
