ថ្មីៗនេះ ស្មាតហ្វូន Samsung Galaxy A53 5G គឺទទួលបាននូវការបញ្ជាក់វិញ្ញាបនបត្រពីស្ថាប័ន TENAA រួចរាល់ហើយ ខណៈដែលក្រុមហ៊ុនបច្ចេកវិទ្យារបស់កូរ៉េខាងត្បូងនេះ ត្រូវបានគេរាយការណ៍ថា គឺបាននឹងកំពុងតែធ្វើការនៅលើស្មាតហ្វូន Galaxy A53 5G ដែលស្មាតហ្វូននេះនឹងបង្ហាញខ្លួននៅក្នុងពេលឆាប់ៗនេះផងដែរ។ បន្ថែមពីនេះទៀតនោះ កាលពីពេលមុននេះ គេក៏ឃើញស្មាតហ្វូន Samsung Galaxy A53 នេះបានបង្ហាញខ្លួននៅលើវេបសាយជាច្រើនមុនការទទួលបាននូវវិញ្ញាបនបត្រពី 3C។
ក្រៅពីនេះ ស្មាតហ្វូន Samsung Galaxy A53 5G ក៏បង្ហាញខ្លួននៅលើវេបសាយ BIS ជាមួយនឹងស្មាតហ្វូន Galaxy M33 5G, Galaxy A33 5G កាលពីដើមខែនេះផងដែរ។ ដូចអ្វីដែលបានរំពឹងទុក នៅក្នុងបញ្ជីនេះ លក្ខណៈសម្បត្តិរបស់ស្មាតហ្វូននេះក៏ត្រូវបានទម្លាយផងដែរ។ នៅក្នុងបញ្ជីរបស់ 3C នេះ គឺមានការបង្ហាញថា ស្មាតហ្វូននេះមាន 15W charger ខណៈដែលទទួលបាននូវវិញ្ញាបនបត្រ TENAA នេ ក៏មានបង្ហាញនូវទំហំថ្ម Storage និងទំហំនៃអេក្រង់ផងដែរ។
នៅក្នុងវិញ្ញាបនបត្ររបស់ TENAA នេះ គឺបានបង្ហាញទៀតថា ស្មាតហ្វូន Samsung Galaxy A53 នេះ មានអេក្រង់ទំហំ 6.46-inch ហើយអេក្រង់នេះ គឺមានកម្រិតភាពច្បាស់full HD+ 1080×2400 pixels។ អេក្រង់ស្មាតហ្វូននេះ គឺមានការឌីស្សាញជាមួយរន្ធ punch-hole ផងដែរ។ ក្រៅពីនេះ ស្មាតហ្វូន Galaxy A53 5G នេះមានកាមេរ៉ា 4 គ្រាប់នៅខាងក្រោយជាមួយនឹងភ្លើង LED Flash ផងដែរ។
ស្មាតហ្វូននេះមានរ៉េមទំហំ 8GB និងម៉េមូរីទំហំ 128GB និង 256GB។ ស្មាតហ្វូននេះអាចបន្ថែមនូវម៉េមូរី microSD card slot ដែលមានទំហំដល់ទៅ 1TB ផងដែរ។ ស្មាតហ្វូននេះ មានកាមេរ៉ាខាងក្រោយទំហំ 64MP និងមានកាមេរ៉ាខាងមុខទំហំ 12MP ។ ស្មាតហ្វូននេះ មានថាមពលថ្មទំហំ 4,860mAh ដែលទ្រទ្រង់ទៅលើ 25W fast charging ផងដែរ៕