ក្រុមហ៊ុនបុត្រសម្ព័ន្ធរបស់ ZTE ឈ្មោះថា nubia ត្រូវបានគេដឹងថា ត្រៀមប្រកាសចេញឧបករណ៍ថ្មីជាច្រើនក្នុងឆ្នាំ 2022 នេះ ដោយក្នុងនោះរួមមានឧបករណ៍ VR Headset ដែលអាចនឹងភ្ជាប់ការភ្ជាប់ជាមួយនឹង Red Magic Metaverse, ឧបករណ៍ Wi-Fi (router) រួមនឹងម៉ូនីទ័រហ្គេមីងជាដើម។
ពិភព Metaverse ឬហៅថាពិភពលោកសប្បនិមិ្មត គឺពាក្យដ៏ពេញនិយមបំផុតក្នុងវិស័យបច្ចេកវិទ្យាឌីអីថលក្នុងឆ្នាំ 2022 នេះ។ សម្រាប់ឧបករណ៍មួយទៀតដែល Nubia ត្រៀមបញ្ចេញនៅខែក្រោយក្នុងឆ្នាំ 2022 ខាងមុខនេះ គឺជាកំពូលស្មាតហ្វូនហ្គេមជំនាន់ថ្មី Red Magic 7។
បើតាមប្រភពព័ត៌មានដែលបានចុះផ្សាយនាពេលកន្លងមកបាននិយាយថា nubia Red Magic 7 នឹងរក្សាការរចនារូបរាងដូចគ្នាទៅនឹងជំនាន់មុន Red Magic 6 ដែលមានភ្ជាប់នូវសែនស័រ shoulder sensor triggers សម្រាប់បញ្ជាការលេងហ្គេម។ ស្មាតហ្វូនហ្គេមជំនាន់ថ្មីនេះ នឹងភ្ជាប់មកជាមួយកំពូលឈីប Snapdragon 8 Gen1 រួមជាមួយអេក្រង់ដែលមានកម្រិតល្បឿន refresh rate 165Hz៕
