កាលបរិច្ឆេទនៃការបង្ហាញវត្តមានរបស់ស្មាតហ្វូន Samsung Galaxy S22 series ត្រូវទម្លាយជាផ្លូវការណ៍ហើយ។ ក្រុមហ៊ុនបច្ចេកវិទ្យា Samsung ក៏ត្រៀមខ្លួនក្នុងការរៀបចំនូវព្រឹត្តិការណ៍ក្នុងការប្រកាសបង្ហាញនូវស្មាតហ្វូនថ្មី flagship ដែលនោះគឺជាស្មាតហ្វូន Galaxy S22 Series។ សូមជំរាបថា ក្រុមហ៊ុន Samsung នៅមិនទាន់បញ្ជាក់អំពីកាលបរិច្ឆេទពិតប្រាកដនៅការសម្ពោធព្រឹត្តិការណ៍ Unpacked របស់ខ្លួននៅឡើយទេ គ្រាន់តែនិយាយថា នៅដើមខែនេះ ស្មាតហ្វូន Galaxy S22 Series នឹងបង្ហាញខ្លួនហើយ។
មានការទម្លាយថា សម្រាប់ការ Pre-Order ទៅលើស្មាតហ្វូន Samsung Galaxy S22 series ត្រូវបានគេរំពឹងថា គឺចាប់ពីថ្ងៃទី 9 ខែកុម្ភៈ ហើយការដឹកជញ្ជូនទៅលើស្មាតហ្វូននេះ គឺនឹងធ្វើឡើងចាប់ពីថ្ងៃទី 21 ខែកុម្ភៈខាងមុខ។ យ៉ាងណាមិញ ក្រុមហ៊ុន Samsung ក៏មិនបានបដិសេធទៅលើការបែកធ្លាយនេះនោះទេ ។
បើយោងតាមការបង្ហោះនៅក្នុងប្លុកមួយដែលបញ្ជាក់ដោយប្រធានផ្នែក MX Business របស់ក្រុមហ៊ុន Samsung Electronics លោក TM Roh បានទម្លាយនូវព័ត៌មានថ្មីរបស់ស្មាតហ្វូននេះ។ នៅក្នុងព្រឹត្តិការណ៍ Unpacked នេះ នឹងមានបង្ហាញវត្តមានរបស់ស្មាតហ្វូន S Series ក្នុងនោះក៏អាចនឹងមានវត្តមានរបស់ស្មាតហ្វូន Galaxy S22 Ultra ដែលនឹងបង្ហាញខ្លួនផងដែរ។
ស្មាតហ្វូន Galaxy S22 Ultra នឹងមានការឌីស្សាញស្រដៀងគ្នាទៅនឹងស្មាតហ្វូនត្រកូល Note របស់ក្រុមហ៊ុន Samsung នោះគឺ Galaxy Note20 Ultra ។ ដូចនេះ ក្រុមហ៊ុន Samsung អាចនឹងត្រៀមប្រកាសបង្ហាញវត្តមានរបស់ស្មាតហ្វូន Galaxy S22 Ultra សម្រាប់ជំនួសវត្តមានរបស់ស្មាតហ្វូន S22 Note ៕
