និយាយពីទូរស័ព្ទបត់អេក្រង់ជំនាន់ដំបូងរបស់ OPPO គឺពិតជាទទួលបានភាពល្បីឈ្មោះខ្លាំងមែនទែនចាប់តាំងពីការប្រកាសចេញផ្លូវការណ៍រួចមក។ ជាមួយគ្នានេះក្រុមការងារគេហទំព័រទស្សនាវដ្តីយើងខ្ញុំក៏បានធ្វើវីដេអូបង្ហាញពីលក្ខណៈសម្បត្តិទូទៅរបស់ Find N រួចរាល់ហើយដែរ។ យ៉ាងណាមិញបើយើងក្រឡេកមកមើលវីដេអូបង្ហាញពីការតេស្តភាពធន់ដំបូងដែលបញ្ចេញដោយឆានែលយួធូបល្បីឈ្មោះខាងបំបែកឧបករណ៍ទៅជាបំណែកៗ JerryRigEverything ក៏ទើបតែបានបញ្ចេញវីដេអូការធ្វើតេស្តភាពធន់របស់ OPPO Find N ជាលើកដំបូង។
សូមបញ្ជាកថា OPPO Find N គឺជាសមិត្ថផលស្មាតហ្វូនបត់អេក្រង់ជំនាន់ដំបូងរបស់ OPPO ដែលត្រូវបានក្រុមហ៊ុនសង្ងំធ្វើការអភិវឌ្ឍន៍ផលិតរយះពេលរហូតដល់ទៅ 4 ឆ្នាំឯណោះ។ ស្មាតហ្វូនបត់អេក្រង់ជំនាន់ដំបូងនេះត្រូវបានក្រុមហ៊ុនធ្វើការរចនាឡើយបែប Compact ដែលមានទំហំតូច និងកម្ពស់ខ្លីជាមួយខា្នតអេក្រង់ខាងក្រៅដូចទៅនឹងស្មាតហ្វូនធម្មតាអីចឹងនៅពេលបត់។ OPPO Find N មានអេក្រង់ខាងក្រៅទំហំ 5.49 អ៊ីងខ្នាត 18:9 ratio ស្រោបដោយកញ្ចក់ Gorilla Glass Victus និងអេក្រង់បត់ខាងក្នុងទំហំ 7.1 អ៊ីញ 120Hz LTPO-AMOLED ស្រោបដោយសារធាតុកញ្ចក់ UTG (Ultra-Thin Glass)។ ផ្នែកផ្ទៃខ្នងខាងក្រោយត្រូវបានស្រោបដោយកញ្ចក់ Victus និងមានស៊ុមជុំវិញជាអាលុយមីញ៉ូម។
ចំនុចពិសេសរបស់ OPPO Find N គឺនៅត្រង់ត្រចៀកគន្លឹះបត់ថ្មី (Flexion Hinge) របស់វាតែម្តង ដោយវាត្រូវបានរចនាឡើងជារាងដំណក់ទឹក (Water-drop Shape) ដែលនៅពេលបត់អេក្រង់ចូលគ្នាគឺបានជិតល្អមិនលេចចេញនៅចន្លោះប្រហោងដូចទូរស័ព្ទអេក្រង់បត់ក្រុមហ៊ុនផ្សេងឡើយ។
អូខេ…អីចឹងតោះទស្សនាវីដេអូធ្វើតេស្តភាពធន់ដោយ JerryRigEverything ខាងក្រោមនេះទាំងអស់គ្នា៖
