កាលពីប៉ុន្មានខែមុននេះ ក្រុមហ៊ុន Apple បានប្រកាសចេញនូវ iPhone 13 Series ដែលមានចំនួន 4 ម៉ូដែលផ្សេងគ្នា។ នៅថ្ងៃនេះ យោងតាមរបាយការណ៌ថ្មីមួយ គឺបាននិយាយពីវត្តមានជំនាន់ថ្មី iPhone 14 ទៀតហើយ។ បើតាមការបញ្ជាក់របស់ 9To5Mac ដែលជាប្រភពជឿជាក់បាននោះ គឺបបង្ហាញថា iPhone ជំនាន់ថ្មី គឺនឹងមានការប្រើប្រាស់ឈីបខុសគ្នា ខណដែលម៉ូដែល Pro ទំនងជានឹងមានការប្រើប្រាស់នូវអេក្រង់មានកំពស់ខ្ពស់ជាងមុន ដែលនេះគឺជាការឌីស្សាញថ្មី ហើយក្រុមហ៊ុនបានកំពុងធ្វើការងារទៅលើការតម្លើងមុខងារថ្មី Advanced satellite សម្រាប់ iPhone 14 series ផងដែរ។
ថ្មីមានការព្យាករណ៌ថា ក្រុមហ៊ុនដែលមានមូលដ្ឋាននៅ Cupertino នេះ នឹងបង្ហាញចេញនូវ iPhone 14 series ចំនួន 4 ម៉ូដែលដូចមុនចឹង ប៉ុន្តែគ្មានម៉ូដែល iPhone Mini នៅឆ្នាំនេះ។ ប្រភពខាងលើបានបន្ថែមថា iPhone 14 ដែលមានលេខកូដ D27 និង D28 នឹងមានការបំពាក់នូវអេក្រង់ទំហំ 6.1 អ៊ីង និងទំហំ 6.7 អ៊ីង ខណៈដែលេអក្រង់ទំហំ 5.4 អ៊ីង គឺគ្មានទៀតទេ ។ ស្មាតហ្វូនទាំងអស់នេះ នឹងប្រើប្រាស់អេក្រង់មាន Resolution ដូចគ្នាទៅនឹង iPhone 13 Pro និង iPhone 13 Pro Max អញ្ចឹង។
ប៉ុន្តែបើក្រឡេកមើលអេក្រង់របស់ iPhone 14 Pro និង iPhone 14 Pro Max ដែលមានលេខកូដ D73 និង D74 ទំនងជាមានទំហំធំជាងជំនាន់មុន ហើយនៅលើអេក្រង់នេះ នឹងរន្ធ “notch រួមនិង pill” ដែលគេឌីស្សាញមកជំនួសការប្រើប្រាស់រន្ធ notch ដែលមានកន្លងមក។ ប្រភពដដែលនេះបានបន្តថា iPhone 14 Models ចំនួនពីរម៉ូដែល នឹងប្រើប្រាស់បន្ទះឈីប A15។ មានន័យថា ពីរម៖ូដែលទៀត អាចនឹងប្រើប្រាស់ឈីបខុសពី A15។ ហើយមួយនៅក្នុងចំណោមនោះ គឺនឹងមានការបន្ថែមនូវ extra GPU core ហើយនិងមានរ៉េមទំហំ 6GB។