នៅពេលនេះ បន្ទះឈីបថ្នាក់ខ្ពស់ Qualcomm Snapdragon បានក្លាយជាបន្ទះឈីបដ៏ខ្លាំងក្លាសម្រាប់ស្មាតហ្វូន Android ។ យ៉ាងណាមិញ បន្ទះឈីប Snapdragon 8 Gen 1 នៅមិនទាន់អាចបំពេញនូវតម្រូវការរបស់អ្នកប្រើប្រាស់បានទេដោយសារតែសមត្ថភាពរបស់វាគឺទាបជាងបន្ទះឈីប Dimensity 9000 SoC។ ក្រុមហ៊ុន Qualcomm ក៏កំពុងតែធ្វើការនៅលើបន្ទះឈីប Snapdragon 8 Gen 1+ ដែលនឹងប្រើប្រាស់នូវបច្ចេកវិទ្យា 4nm របស់ក្រុមហ៊ុន TSMC ។
តាមការបញ្ចាក់នៅក្នុងរបាយការណ៍ជាច្រើន បន្ទះឈីប Snapdragon 8 Gen 1+ នឹងបង្ហាញខ្លួនជាផ្លូវការនៅថ្ងៃទី 20 ខែឧសភានេះ។ ស្មាតហ្វូនថ្មីនេះ ដែលមានបន្ទះឈីប Processor នេះ នឹងបង្ហាញខ្លួននៅលើទីផ្សារក្រោយថ្ងៃទី 20 ខែឧសភានេះ។ តាមការទម្លាយរបស់ xiaomiui នោះសម្រាប់ Software Version ចុងក្រោយបំផុតរបស់ស្មាតហ្វូន Xiaomi 12 Ultra គឺ V13.0.0.3.SLACNXM ។ សម្រាប់ version នេះ នៅមិនទាន់ដាក់អោយប្រើប្រាស់នៅឡើយទេ នេះមានន័យថា ស្មាតហ្វូន Xiaomi 12 Ultra អាចនឹងបង្ហាញខ្លួនជាផ្លូវការនៅក្នុងខែមិថុនា ឬកក្កដាខាងមុខនេះ។
មានរបាយការណ៍ជាច្រើន បានបញ្ជាក់ថា កំពូលស្មាតហ្វូន Xiaomi 12 Ultra មានអេក្រង់ 6.73 អ៊ីង បង្ហាញចេញបានទំហំ 3200x1440px។ ស្មាតហ្វូន Flagship ថ្មីនេះ មានអេក្រង់ LTPO 2.0 AMOLED ជាមួយនឹងកម្រិត Refresh Rate 120Hz។ ស្មាតហ្វូននេះ មានបន្ទះឈីប Snapdragon 8 Gen 1+ ដែលអាចនឹងបង្ហាញខ្លួននៅក្នុងខែឧសភាខាងមុខនេះ។ ស្មាតហ្វូននេះ មានកាមេរ៉ាខាងក្រោយទំហំ 50-Megapixel, 48-Megapixel ultra-wide-angle និង 48-Megapixel telephoto ។ ស្មាតហ្វូននេះមានកាមេរ៉ាខាងមុខទំហំ 48-Megapixel selfie ។
សម្រាប់សេនស័ររូបភាពវិញនោះ ស្មាតហ្វូន Xiaomi 12 Ultra នេះ នឹងមានបន្ទះឈីប Surge C2 ISP ដែលអភិវឌ្ឍដោយក្រុមហ៊ុន Xiaomi ជាលើកដំបូងបំផុត។ ខាងក្រោមនេះគឺជាតម្លសរបស់ស្មាតហ្វូន Xiaomi 12 Ultra ។
8GB+256GB – 5999 yuan ($885)
12GB+256GB – 6499 yuan ($959)
12GB+512GB – 6799 yuan ($1,003)
16GB+512GB – 7299 yuan ($1,077)