នៅថ្ងៃនេះ ក្រុមហ៊ុន realme បានរៀបចំនូវព្រឹត្តិការណ៍ដ៏ពិសេសមួយនៅអ៊ឺរ៉ុប ដើម្បីប្រកាសចេញវត្តមានស្មាតហ្វូន realme 9 និង realme 9 5G របស់ខ្លួន។ ស្មាតហ្វូនជំនាន់ថ្មីនេះ ក៏ទើបតែបានបង្ហាញខ្លួនរួចហើយនៅក្នុងទីផ្សាររបស់ប្រទេសឥណ្ឌាផងដែរ។ ស្មាតហ្វូន realme 9 Series ដែលបង្ហាញខ្លួននៅថ្ងៃនេះ គឺត្រូវបានគេដាក់អោយដំណើរការជាមួយនឹងបន្ទះឈីប Qualcomm Snapdragon processors និងថាមពលថ្មទំហំ 5,000mAh។
ស្មាតហ្វូន realme 9 4G មានអេក្រង់ AMOLED ខណៈដែលស្មាតហ្វូន realme 9 5G មានអេក្រង់ LCD ជាមួយនឹងកម្រិតអេក្រង់ 120Hz refresh rate។ ស្មាតហ្វូន realme 9 4G មានអេក្រង់ 6.5 អ៊ីង Super AMOLED ជាមួយនឹងកម្រិតអេក្រង់ 90Hz refresh rate និងកម្រិតឆ្លើយតប 360Hz touch sampling rate។ អេក្រង់នេះការពារដោយកញ្ចក់ Gorilla Glass 5 ។ ស្មាតហ្វូននេះ មានបន្ទះឈីប Snapdragon 680 processor រ៉េមទំហំ 8GB និងម៉េមូរីទំហំ 128GB។
ស្មាតហ្វូន realme 9 4G នេះមានកាមេរ៉ាទំហំ 108 MP Samsung ISOCELL HM6 image sensor និងមានបំពាក់នូវបច្ចេកវិទ្យា NonaPixel Plus ដែលអាចបង្កើននូវពន្លឺដល់ទៅ 123% ថែមទៀតផង។ សម្រាប់គ្រាប់ទីពីរមានកាមេរ៉ា 8MP Ultra-wide-angle និងគ្រាប់ទីបីមានទំហំ 2MP Macro។ ស្មាតហ្វូនថ្មីនេះ មានថាមពលថ្មទំហំ 5000mAh និងបច្ចេកវិទ្យាសាកថ្មលឿន 18W Charging។ ស្មាតហ្វូននេះ ប្រើប្រាស់នូវ realme UI 3.0 ផ្អែកនៅលើ Android 12។ ស្មាតហ្វូននេះ មានប្រព័ន្ធស្កេនក្រយ៉ៅដៃក្រោមអេក្រង់ និងវិមាត្រ 160.2x73.3x8mm និងទម្ងន់ 178g។ ស្មាតហ្វូន realme 9 នេះមាន 3 ពណ៌គឺ Meteor Black, Sunburst Gold និង Stargaze White ។
ស្មាតហ្វូន realme 9 5G នេះ មានអេក្រង់ទំហំ 6.6 អ៊ីង LCD ជាមួយនឹងកម្រិតភាពច្បាស់ 1080p ជាមួយនឹង 120Hz refresh rate និងមានកម្រិតឆ្លើយតប 240Hz touch sampling rate។ ស្មាតហ្វូននេះ មានបន្ទះឈីប Snapdragon 695 chipset រ៉េមទំហំ 4GB និងម៉េមូរីទំហំ 128GB ។ បន្ទះឈីប Snapdragon 695 SoC នេះមាន 2x Kryo Gold 2.2 GHz + 6x Kryo Silver 1.8 GHz CPU ។ វាក៏មាន 3GB Dynamic RAMផងដែរ។
ស្មាតហ្វូន realme 9 5G នេះ មានកាមេរ៉ាខាងក្រោយទំហំ 50MP, 2MP Macro និង 2MP black and white portrait ខណៈដែលនកាមេរ៉ាខាងមុខមានទំហំ 16MP ។ ស្មាតហ្វូននេះមានថាមពលថ្មទំហំ 5000mAh ជាមួយនឹងបច្ចេកវិទ្យា 18W charging ។ ស្មាតហ្វូន realme 9 5G ប្រើប្រាស់នូវ realme UI 3.0 ផ្អែកនៅលើ Android 12 ផងដែរ។ ស្មាតហ្វូននេះ មាន 2 ពណ៌គឺ Meteor black និង stargaze white ។ ស្មាតហ្វូននេះមានវិមាត្រ 164.3x75.6x8.5mm និងទម្ងន់ 191g ៕
