កាលពីខែមុននេះ ក្រុមហ៊ុន realme បានប្រកាសចេញនូវថេប្លេតលំដាប់ថវិការបស់ខ្លួនដែលមានឈ្មោះហៅថា realme Pad Mini នៅក្នុងប្រទេសហ្វីលីពីន។ ថេប្លេតថ្មីនេះ ក៏បានបន្តបង្ហាញខ្លួននៅក្នុងប្រទេសឥណ្ឌា ហើយពេលនេះក៏បានបង្ហាញខ្លួននៅក្នុងទីផ្សាររបស់អ៊ឺរ៉ុបផងដែរ។ ថេប្លេត realme Pad Mini នេះ នឹងមានវត្តមាននៅក្នុងប្រទេសបែលហ្សិក អាល្លឺម៉ង់ លុចសំបួរ ហូឡង់ និងព័រទុយហ្គាល់។
ថេប្លេត realme Pad Mini នេះ មានអេក្រង់ទំហំ 8.7 អ៊ីង LCD មានសមត្ថភាពអាចបង្ហាញចេញជាមួយនឹងកម្រិតភាពច្បាស់ ទំហំ 1340x800 pixels។ ថេប្លេតនេះ មានគែមស្តើង ហើយសម្រាប់ bezels ខាងលើ និងខាងក្រោមរបស់វា គឺមានកម្រាស់ក្រាស់បន្តិច។ ថេប្លេតនេះ ដំណើរការនៅលើបន្ទះឈីប UNISOC T616 ជាមួយនឹងក្រាហ្វិកកាត Mali-G57 MP1 GPU។
ថេប្លេតនេះ មានទំហំ 3GB និង 4GB ហើយនិងមានមេម៉ូរីទំហំ 32GB និង 64GB។ នៅលើថេប្លេតនេះ គឺមានការតម្លើងជាមួយប្រព័ន្ធសម្លេង Dual Stereo Speakers, រន្ធ 3.5mm headphone jack, មេម៉ូរី MicroSD card និង USB Type-C port ផងដែរ៕
ខាងក្រោមនេះគឺជាតម្លៃ ហើយថេប្លេតនេះមាន 2 ពណ៌គឺពណ៌ប្រផេះ និងពណ៌ខៀវ
3GB+32GB (WiFi-only) – 179,99 យូរ៉ូ
4GB+64GB (WiFi-only) – 199,99 យូរ៉ូ
4GB+64GB (WiFi + LTE) – 229,99 យូរ៉ូ
