ការឌីស្សាញផ្នែកខាងក្រោយរបស់ vivo Y75 4G ត្រូវបានទម្លាយមុនពេលដែលស្មាតហ្វូននេះបង្ហាញខ្លួនជាផ្លូវការ

នៅថ្ងៃនេះ មានព័ត៌មានថា ស្មាតហ្វូន vivo Y75 4G ត្រូវគេរំពឹងថា នឹងបង្ហាញខ្លួននៅក្នុងប្រទេសឥណ្ឌានៅថ្ងៃទី 22 ខែឧសភាខាងមុខនេះស្របពេលដែលលក្ខណៈសម្បត្តិរបស់ស្មាតហ្វូននេះ ក៏ត្រូវបានបែកធ្លាយផងដែរ។ នៅពេលនេះ ក៏អ្នកទម្លាយ Sudhanshu Ambhore ក៏បានចែករំលែកនូវរូបភាពរបស់ស្មាតហ្វូន vivo Y75 4G ដែលមានការបង្ហាញពីផ្នែកខាងក្រោយរបស់ស្មាតហ្វូននេះផងដែរ។ ដូចអ្វីដែលបានឃើញនៅក្នុងរូបភាពបែកធ្លាយនេះ ស្មាតហ្វូន vivo Y75 4G នេះ នឹងមានកាមេរ៉ាខាងក្រោយ 3 គ្រាប់។ 

ស្មាតហ្វូននេះ មានពណ៌ Dancing Waves និង Midnight Galaxy។ ផ្នែកខាងក្រោយរបស់ស្មាតហ្វូននេះ មានកាមេរ៉ា 3 គ្រាប់។ នៅផ្នែកខាងមុខរបស់ស្មាតហ្វូននេះគឺមានការឌីស្សាញទម្រង់ Dewdrop Notch ។ ស្មាតហ្វូន vivo Y75 4G នេះមានអេក្រង់ទំហំ 6.4-inch AMOLED ជាមួយនឹងកម្រិតភាពច្បាស់ FHD+។ ស្មាតហ្វូននេះ នឹងមាន 60Hz ឬ Refresh Rate ខ្ពស់ជាងមុន។ ស្មាតហ្វូននេះ នឹងមានប្រព័ន្ធស្កេនក្រយ៉ៅដៃក្រោមអេក្រង់ផងដែរ។

ស្មាតហ្វូន vivo Y75 4G នេះមានបន្ទះឈីប  MediaTek Helio G96។ ស្មាតហ្វូននេះមានរ៉េមទំហំ 8GB និងម៉េមូរីទំហំ 128GB ។ ស្មាតហ្វូននេះ ប្រើប្រាស់នូវប្រព័ន្ធប្រតិបត្តិការ Android 12 OS និង FunTouchOS 12។ ស្មាតហ្វូន vivo Y75 នេះ មានកាមេរ៉ាខាងមុខ 44-Megapixel ។ ស្មាតហ្វូននេះ មានកាមេរ៉ាខាងក្រោយទំហំ 50-Megapixel, 8-Megapixel Ultra-Wide Lens និង 2-Megapixel macro។ ស្មាតហ្វូននេះ មានថាមពលថ្មទំហំ 4,050mAh និងបច្ចេកវិទ្យាសាកថ្មលឿន  44W fast charging ។ ស្មាតហ្វូនVivo Y75 4G នេះមានតម្លៃប្រហែលជា Rs 22,000 (~$248) នៅក្នុងប្រទេសឥណ្ឌា៕