MediaTek បាននឹងកំពុងទទួលបានភាពរីកចម្រើនកាន់តែខ្លាំងនៅក្នុងទីផ្សារបន្ទះឈីបឧបករណ៍អេឡិចត្រូនិចជាពិសេស គឺស្មាតហ្វូនតែម្តងជាមួយនឹងឈីបស៊េរី Dimensity Series ហើយពេលក្រុមហ៊ុនផលិតបន្ទះឈីបរបស់កោះតៃវ៉ាន់មួយនេះ ក៏បានធ្វើការពង្រីកផលប័ត្រទីផ្សារបន្ទះឈីបរបស់ខ្លួនបន្ថែមទៀតជាមួយនឹងការប្រកាសចេញវត្តមានបន្ទះឈីបស៊េរីថ្មីដែលមានឈ្មោះផ្លូវការណ៍ថា Dimensity 1050។
បន្ទះឈីបស៊េរីថ្មីនេះ គឺជាឈីបដែលមានគុណសម្បត្តិទាបជាស៊េរី Dimensity 1100 SoC ប៉ុន្តែ បន្ទះឈីបស៊េរីថ្មីនេះ គឺជាឈីបដំបូងរបស់ក្រុមហ៊ុនដែលគាំទ្រនូវប្រព័ន្ធបច្ចេកវិទ្យាសេវាកម្រិត dual-mmWave និង sub-6GHz 5G connectivity។
MediaTek Dimensity 1050 មានមកជាមួយអង្គគណនាកម្រិត Octa-core ដែលផលិតឡើងតាមស្តងដារ 6nm និងប្រើនូវអង្គ CPU ខ្លាំងដែលមាន 2-Core ស៊េរី ARM Contex-A78 ល្បឿន 2.5GHz ប៉ុន្តែ ក្រុមហ៊ុនមិនបានបញ្ជាក់ពីអង្គ CPU កម្រិតមធ្យមរបស់ឈីបស៊េរីថ្មីនេះនោះទេ ប៉ុន្តែ ពួកវាអាចនឹងប្រើនូវ 6-core AMR Contex-A55។ ជាមួយគ្នានេះ Dimensity 1050 នៅមានប្រើជាមួយអង្គ GPU ស៊េរី AMR Mali-G610 រួមនឹងប្រព័ន្ធបច្ចេកវិទ្យា HyperEngine 5.0 របស់ MediaTek ដែលផ្តល់នូវប្រសិទ្ធិភាពដ៏ល្អប្រសើរបំផុតសម្រាប់ការលេងហ្គេម។
MediaTek Dimensity 1050 គាំទ្រនូវកម្រិតបង្ហាញអេក្រង់របស់ឧបករណ៍កម្រិត Full-HD+ ជាមួយល្បឿន refresh rate 144Hz រួមជាមួយការគាំទ្រនូវប្រព័ន្ធ Hardware-accelerated AV1 video decoding , HDR10+ និង Dolby Vision ថែមទៀតផង។ បន្ថែមពីនេះបន្ទះឈីបស៊េរីថ្មីនេះ នៅគាំទ្រកម្រិតប្រព័ន្ធសេវា 3CC Carrier នៅលើប្រព័ន្ធ sub-6GHz (FR1) និង 4CC Carrier នៅលើប្រព័ន្ធ mmWare (FR2) ដែលមានល្បឿនក្នុងការទាញទិន្នន័យពីប្រព័ន្ធលឿនជាងដល់ទៅ 53% ធៀបនឹងប្រព័ន្ធ mmWare នៅលើ LTE+។
Dimensity 1050 ក៏គាំទ្រនូវប្រព័ន្ធសេវា Wi-Fi 6E និង 2x2 MIMO antenna SuperFast Wi-Fi ផងដែរ។ សម្រាប់វត្តមានស្មាតហ្វូន ឬឧបករណ៍អេឡិចត្រូនិចដែលបំពាក់បន្ទះឈីបស៊េរីថ្មី MediaTek Dimensity 1050 ត្រូវបានគេរំពឹងថា អាចនឹងមានវត្តមានផ្លូវការណ៍នៅលើទីផ្សារក្នុងថ្ងៃណាមួយក្នុងខែកក្តដា ឬខែកញ្ញា ឆ្នាំ 2022 នេះ៕
