OPPO នឹងបង្ហាញវត្តមានជាផ្លូវការស្មាតហ្វូនស៊េរីថ្មីរបស់ខ្លួនម៉ូដែល Reno 8 series នៅប្រទេសចិនថ្ងៃនេះហើយស្មាតហ្វូននេះត្រូវបានគេឃើញថា បានឆ្លងកាត់ការចុះបញ្ជីរបស់ BIS ដែលជាស្ថាប័នវាយតម្លៃរបស់ប្រទេសឥណ្ឌា រួចហើយផងដែរ ដូច្នេះបញ្ជាក់ថា ស្មាតហ្វូននេះ អាចនឹងមានវត្តមាននៅលើទីផ្សារប្រទេសនេះឆាប់ៗនេះបន្ទាប់ ពីការប្រកាសបង្ហាញខ្លួននៅប្រទេសចិនរួចរាល់។
ស្មាតហ្វូនដែលបានចុះបញ្ជីនៅលើ BIS គឺត្រូវបានចែកចាយដោយអ្នកទម្លាយ Mukul Sharma។ នៅពេលនេះ មានការបញ្ជាក់ថា ស្មាតហ្វូនជំនាន់ថ្មីនេះ គឺនឹងមានចំនួន 3 ម៉ូដែល គឺមានម៉ូដែលស្តង់ដារ និងម៉ូដែល Pro រួមជាមួយនិងម៉ូដែល Pro Plus ប៉ុន្តែនៅលើបញ្ជីនេះ គឺមានការបង្ហាញចេញនូវព័ត៌មានជាក់លាក់ណាមួយស្តីពីការ បង្ហាញវត្តមាននៅក្នុងប្រទេសឥណ្ឌានៅឡើយទេ។ បើតាមអ្វីដែលបង្ហាញនៅលើបញ្ជីនេះ ត្រូវបានគេជឿជាក់ថា គឺមិនយូរនោះទេ ស្មាតហ្វូននេះនឹងបង្ហាញខ្លួនប្រទេសឥណ្ឌាហើយ។
ស្មាតហ្វូន Reno 8 Pro ត្រូវបានគេឃើញបង្ហាញខ្លួននៅលើ BIS ជាមួយនិងលេខម៉ូដែល CPH2357 និងមានការ បញ្ជាក់ពីលក្ខណៈសម្បិត្តណាមួយពីស្មាតហ្វូននេះនោះទេ។ ប៉ុន្តែបើមផលទៅលើម៉ូដែលស្តង់ដារ Reno 8 គឺបានបង្ហាញថា ស្មាតហ្វូននេះ គឺមានអេក្រង់ទំហំ 6.43 អ៊ីង AMOLED បង្ហាញចេញបានកម្រិត FHD+។ សម្រានប់ផ្នែកខាងក្រោយ គឺមានកាមេរ៉ា 3 គ្រាប់ ហើយនិងមានពណ៌ច្រើនជម្រើស ក្នុងនោះមានដូចជា Clear Sky Blue, Slightly Drunk (Machine Translation) និង Night Tour Black ជាដើម។
និយាយពីកម្លាំងម៉ាស៊ីនវិញ ស្មាតហ្វូន Reno 8 Pro ត្រូវបានគេបញ្ជាក់ថា នឹងក្លាយជាស្មាតហ្វូនដំបូងគេនៅលើ ពិភពលោកដែលប្រើប្រាស់បន្ទះឈីប Qualcomm Snapdragon 7 Gen 1 ដែលផ្អែកលើស្ថាបត្យកម្ម 4nm របស់ក្រុមហ៊ុន Samsung ហើយជាមួយនិងឈីបនេះដែរក៏មានការច្របាច់បញ្ចូលគ្នាជាមួយនិងបន្ទះឈីបផ្ទាល់ខ្លួន MariSilicon X NPU របស់ OPPO ផងដែរ។
