រហូតមកដល់ថ្ងៃនេះ ស្មាតហ្វូនជំនាន់ថ្មីរបស់ម៉ូដែល Xiaomi Mi 12 នៅមិនទាន់បង្ហាញខ្លួននៅឡើយទេ។ យោងតាមប្រភពកន្លងមក បាននិយាយថា ស្មាតហ្វូន Xiaomi Mi 12 Ultra គ្រោងនឹងបង្ហាញខ្លួននៅក្នុងហាងជាច្រើន នៅក្នុងរយៈពេលមួយខែ ឬពីរខែខាងមុខនេះ ស្របពេលដែលថ្មីៗនេះ ក្រុមហ៊ុន Qualcomm ក៏មានការបង្ហាញវត្តមានរបស់បន្ទះឈីប Snapdragon 8 Gen 1+ ផងដែរ។ ដូច្នេះ មានការសន្និដ្ឋានថា ស្មាតហ្វូនថ្មីនេះ ទំនងជាអាចនឹងបង្ហាញខ្លួននៅក្នុងខែមិថុនា ឬកក្កដាខាងមុខនេះហើយ។
នៅថ្ងៃនេះ មានដំណឹងថ្មីថា ក្រុមហ៊ុនផលិតស្មាតហ្វូនដ៏ធំរបស់ប្រទេសចិនមួយនេះ គឺចាប់ផ្តើមធ្វើការនៅលើស្មាតហ្វូនជំនាន់ថ្មីរបស់ Xiaomi 12 Series នេះផងដែរ។ បើអ្នកទម្លាយព័ត៌មានម្នាក់នៅលើ Weibo ក៏បានបង្ហាញនូវព័ត៌មានមួយចំនួនរបស់ស្មាតហ្វូន Flagship នេះចំនួន 3 សន្លឹកថែមទៀតផង។
ស្មាតហ្វូនជំនាន់ថ្មីនេះ គឺនឹងមានការបំពាក់នូវអេក្រង់កម្រិត 2K ជាមួយនឹងបន្ទះឈីប SM8550។ អេក្រង់នេះ មានការឌីស្សាញជាទម្រង់ punch-hole។ ស្មាតហ្វូន Xiaomi Mi 13 Series ក៏គ្រោងនឹងបង្ហាញខ្លួននៅក្នុងខែធ្នូខាងមុខនេះហើយស្មាតហ្វូននេះ អាចនឹងមានម៉ូដែលគឺ Xiaomi Mi 13, Mi 13 Pro និង Xiaomi Mi 13 Ultra។
គួររំលឹកផងដែរថា ស្មាតហ្វូនជំនាន់ថ្មី Xiaomi Mi 12 Pro ដែលគ្រោងនឹងបង្ហាញខ្លួននៅក្នុងពេលឆាប់ៗនេះ គឺមានបន្ទះឈីប Snapdragon 8 Gen 1 និងមានអេក្រង់ទំហំ 6.73-inch ជាមួយនឹងកម្រិតភាពច្បាស់ 1440x3200 pixels៕