Huawei គឺជាប្រេនស្មាតហ្វូន Android លំដាប់ថ្នាក់ខ្ពស់មួយ ដែលកន្លងមកមានការទទួលស្គាល់ថា គឺជាស្មាតហ្វូនដែលបំពាក់នូវកាមេរ៉ាមានសមត្ថភាពខ្ពស់របស់ក្រុមហ៊ុន Leica។ នៅពេលនេះ ក្រុមហ៊ុននេះ ត្រូវបានគេមើលឃើញច្បាស់ហើយថា បានចែកផ្លូវគ្នាពីក្រុមហ៊ុនកាមេរ៉ាមួយនេះបន្ទាប់ពីមានការដាក់ទណ្ឌកម្មពីសហរដ្ឋអាមេរិកអស់រយៈពេលជាង 2 ឆ្នាំមកនេះ ហើយពេលនេះដៃគូដ៏ធំនេះបានចាប់ដៃជាមួយនិងក្រុមហ៊ុនផ្សេងដែរ។ កាលពីម្សិលមិញនេះ ក្រុមហ៊ុន Xiaomi បានចេញមកប្រកាសជាផ្លូវការថា ខ្លួនបានចាប់ដៃជាមួយនិង Leica ដែលជាក្រុមហ៊ុនផលិតកាមេរ៉ាដ៏ធំរបស់អាល្លឺម៉ង់នេះហើយ។
យោងតាមការបញ្ជាក់ពី Android Authority បាននិយាយថា ក្រុមហ៊ុនកាមេរ៉ាមួយនេះ បានចែកផ្លូវគ្នាជាមួយនិងក្រុមហ៊ុន Huawei រួចហើយ។ តាមរយៈជាមួយក្រុមហ៊ុន Huawei បានឆ្លើយថា “យើងអាចបញ្ជាក់ច្បាស់ថា កិច្ចសហការគ្នារវាងក្រុមហ៊ុនយើងទាំងពីរ (Huawei and Leica) គឺបានបញ្ចប់កាលពីថ្ងៃ 31 ខែមីនាមកម្លេះ.”។ ដូច្នេះមានន័យថា ចាប់ពីខែឧសភានេះទៅ Huawei មិនមានជាប់ពាក់ព័ន្ធអ្វីជាមួយនិង Leica ទៀតទេ ហើយសម្រាប់កាមេរ៉ារបស់ Leica ក៏លែងមានប្រើប្រាស់នៅលើស្មាតហ្វូន Huawei ទៀតផងដែរ។ គិតមកទល់នឹងពេលនេះ គឺមានតែ Huawei P50 និង Huawei P50 Pro ដែលប្រើឈីប Snapdragon 888 4G ប៉ុណ្ណោះដែលនៅអាចបន្តប្រើប្រាស់កាមេរ៉ា Leica បាន។
ជាមួយនឹងការចាប់ដៃគ្នារវាងក្រុមហ៊ុន Xiaomi និង Leica នៅពេលនេះ គឺមានការប្រកាសជាផ្លូវការណ៌ថា ដៃគូរទាំងពីរ នឹងធ្វើការបង្ហាញចេញនូវអាវុធថ្មីរបស់ខ្លួននៅក្នុងខែកក្កដាឆ្នាំ 2022 ខាងមុខនេះហើយ។
