ថ្មីៗនេះ ក្រុមហ៊ុន OPPO បានប្រកាសចេញនូវវត្តមានរបស់ថេប្លេត OPPO Pad Air នៅប្រទេសឥណ្ឌា ដែលនេះ គឺជាថេប្លេតជំ នាន់ថ្មីរបស់ក្រុមហ៊ុននេះ បន្ទាប់ពីវត្តមាន OPPO Pad 5G ដែលបានបង្ហាញវត្តមានជាមួយនិងបន្ទះ ឈីប Snapdragon 870 កាលពីដើមឆ្នាំកន្លងទៅ។ យោងតាមរបាយការណ៌ថ្មីរបស់ 91mobiles គឺបាននិយាយថា ថេប្លេត OPPO Pad Air គឺនឹងមានការបង្ហាញវត្តមានជាផ្លូវការនៅលើទីផ្សារប្រទេសឥណ្ឌានាដើមខែមិថុណានេះ។
ជាមួយគ្នានេះបើតាមការដកស្រង់ចេញពីលោក Yogesh Brar គឺបានទម្លាយថា ក្រុមហ៊ុន OPPO គឺបាននិងកំពុង តែធ្វើតេស្តទៅលើថេប្លេត OPPO Pad Air ហើយនិងស្មាតហ្វូនស៊េរីថ្មី OPPO Reno 8 Series សម្រាប់ទីផ្សារ ប្រទេសឥណ្ឌាហើយ ស្របពេលដែលរបាយការណ៌កន្លងមក គឺមានការបញ្ជាក់ថា ស្មាតហ្វូន Reno 8 Series នឹងមានវត្តមានជាផ្លូវការនៅពាក់កណ្តាលខែមិថុណា។
OPPO Pad Air គឺមានការតម្លើងមកជាមួយនូវអេក្រង់ LCD ទំហំ 10.36 អ៊ីង មាន Resolution ទំហំ 1200x2000 pixels និងមានការទ្រទ្រង់ជាមួយនិងប៊ិក OPPO Pencil stylus ថែមទៀតផង។ ថេបេ្លតនេះរត់នៅលើ Android 12 OS និងមានការផ្អែកលើ ColorOS 12 UI។ ថេបេ្លតនេះមានកាមេរ៉ាមុខទំហំ 5-Megapixel និងកាមេរ៉ាក្រោយ ទំហំ 8-Megapixel។
សម្រាប់កម្លាំងម៉ាស៊ីនវិញ ថេប្លេតនេះ បានបង្ហាញខ្លួននៅប្រទេសចិនជាមួយនូវបន្ទះឈីប Snapdragon 680 និងមានពីរទំហំ 4GB/6GB និង 64GB/128GB។ ថេប្លេតនេះមានថ្មទំហំ 7,100mAh គាំទ្រដោយកម្លាំង 18W fast charging។ ថេប្លេតនេះ មានឧបាល័រចំនួន 4 គ្រាប់ និងមានតម្លៃ 1,299 Yuan ($194; Rs 15,065) ព្រមទាំងមានពីរពណ៌ គឺពណ៌ខ្មៅ និងពណ៌ទឹកប្រាក់។
