ក្រុមហ៊ុន POCO ត្រៀមខ្លួនក្នុងការបង្ហាញនូវស្មាតហ្វូន Flagship សេរីថ្មីរបស់ខ្លួនចំនួន 2 ម៉ូដែលគឺ POCO F4 និង POCO X4 GT។ ស្មាតហ្វូនទាំងពីរនេះ នឹងបង្ហាញខ្លួនសម្រាប់ទីផ្សារសកលនៅថ្ងៃទី 23 ខែមិថុនានេះហើយ គឺនៅវេលាម៉ោង 20:00 (GMT+8)។ ដើម្បីទទួលបាននូវព័ត៌មានកាន់តែច្បាស់អំពីព្រឹត្តិការណ៍នៃការសម្ភោធន៍ស្មាតហ្វូននេះ អ្នកអាចតាមដានមើលនៅលើ Twitter របស់ក្រុមហ៊ុន POCO។
សូមជំរាបថា ក្រុមហ៊ុន POCO ត្រូវបានគេមើលឃើញថា បានធ្វើការឌីស្សាញទៅលើស្មាតហ្វូន Flagship ជាប្រចាំ ដើម្បីអាចបំពេញនូវតម្រូវការសម្រាប់អ្នកប្រើប្រាស់ប្រចាំថ្ងៃ និងអ្នកស្រឡាញ់បច្ចេកវិទ្យា។ ក្រុមហ៊ុនផលិតស្មាតហ្វូននេះ ក៏ពង្រឹងទៅលើសមត្ថភាពនៃកម្លាំងម៉ាស៊ីន និងការប្រើប្រាស់ថាមពលកាន់តែទាបជាងមុនផងដែរ។ ស្មាតហ្វូន POCO F4 បំពាក់នូវបន្ទះឈីប Qualcomm Snapdragon 870 chipset និងបច្ចេកវិទ្យា VC Liquid Technology 2.0 ដែលធ្វើអោយម៉ាស៊ីននេះត្រជាក់ក្នុងការប្រើប្រាស់នៅពេលដែលធ្វើការងារច្រើនក្នុងពេលតែមួយ ការផ្ទេរទិន្នន័យ និងការលេងហ្គេម។
បើនិយាយអំពីកាមេរ៉ាវិញនោះ ស្មាតហ្វូននេះ មានកាមេរ៉ាខាងក្រោយ 3 គ្រាប់ ខណៈដែលកាមេរ៉ាគោល គឺមានទំហំ 64MP ជាមួយនឹង OIS។ ស្មាតហ្វូននេះមានអេក្រង់ Samsung E4 AMOLED flagship កម្រិតពន្លឺ 1300nit និង contrast ratio5000000:1 ដែលល្អនៅក្នុងការលេងហ្គេម វីដេអូ និងរូបភាព។ ស្មាតហ្វូននេះមានកម្រិតសំឡេង Dolby Vision និងកម្រិតអេក្រង់ 120Hz high refresh rate ។ ស្មាតហ្វូននេះមានថាមពលថ្មទំហំ 4500mAh ដែលអាចលេងហ្គេមបានច្រើនម៉ោង និងសាកថ្មជាមួយនឹងបច្ចេកវិទ្យា 67W turbo charging ផងដែរ។
ជាមួយនឹងព្រឹត្តិការណ៌នេះ ក៏នូវមានស្មាតហ្វូនមួយទៀតដែលនឹងបង្ហាញខ្លួននៅក្នុងព្រឹត្តិការណ៍សម្ភោធន៍ជាសកលនោះគឺស្មាតហ្វូន POCO X4 GT ។ ស្មាតហ្វូននេះមានបន្ទះឈីប MediaTek Dimensity 8100 (5nm) ដែលធ្វើអោយស្មាតហ្វូននេះកាន់តែប្រសិទ្ធិភាពក្នុងការប្រើប្រាស់។ ស្មាតហ្វូននេះមានអេក្រង់ LCD និងកម្រិតអេក្រង់ 144Hz refresh rate ៕
