នៅពេលនេះ ក្រុមហ៊ុនផលិតស្មាតហ្វូនរបស់ចិន Xiaomi បានកំពុងតែអភិវឌ្ឍទៅលើស្មាតវ៉ចថ្មីរបស់ខ្លួនហើយថ្មីៗនេះ ផលិតផលថ្មីនេះ ក៏ត្រូវបានគេមើលឃើញថា បានឆ្លងកាត់ទៅលើវិញ្ញាបនបត្រ 3C របស់ប្រទេសចិនរួចហើយផងដែរ។ ស្មាតវ៉ចជំនាន់ថ្មីនេះ គឺមានលេខម៉ូដែល M2134W1 និងជានាឡិកាថ្មីមួយ ដែលមានការទ្រទ្រង់ទៅលើបច្ចេកវិទ្យា 5W Charging ថែមទៀតផង។ បន្ថែមពីនេះទៀតនៅលើវិញ្ញាបនបត្រនេះ ក៏មានការទម្លាយថា នាឡិកានេះ ក៏មានមុខងារ Audio Playback និង Storage Functions ជាច្រើនផងដែរ។
ជាមួយគ្នានេះ បើតាមការទម្លាយរបស់ @DCS បានបញ្ជាក់ទៀតថា ស្មាតវ៉ចជំនាន់ថ្មីនេះ គឺមិនមាន eSIM នោះទេ ហើយសម្រាប់ខ្សែដៃរបស់នាឡិកានេះ គឺធំជាងមុនផងដែរ។ ស្មាតវ៉ចរបស់ក្រុមហ៊ុន Xiaomi នេះ គឺមានឈ្មោះថា S1, Xiaomi Watch Color 2 និង Redmi Watch 2។ សូជំរាបថា ស្មាតវ៉ចជំនាន់ទី 1 របស់ក្រុមហ៊ុន Xiaomi ដែលបង្ហាញខ្លួនជាមួយនឹង eSIM។
បន្ថែមពីនេះបើយោងតាមការទម្លាយរបស់ 91mobiles ក៏បានបង្ហាញថា ក្រុមហ៊ុន Xiaomi នឹងបង្ហាញនូវស្មាតវ៉ច Watch S1 Active sports version ផងដែរ។ សម្រាប់ការឌីស្សាញរបស់នាឡិកានេះ គឺមានសភាពធន់ជាង Watch S1។ គួរបញ្ជាក់ថា ស្មាតវ៉ច Xiaomi Watch S1 បានបង្ហាញវត្តមានជាមួយនិងអេក្រង់ AMOLED ទំហំ 1.43 អ៊ីងមានកម្រិតពន្លឺ 326 PPI និងថាមពលថ្មទំហំ 470mAh ដែលអាចប្រើប្រាស់បាន 12 ថ្ងៃ៕