កាលពីខែមុននេះ ក្រុមហ៊ុន Sony បានប្រកាសបង្ហាញនូវស្មាតហ្វូនថ្នាក់កណ្តាលរបស់ខ្លួនដែលមានឈ្មោះហៅថា Sony Xperia 10 IV សម្រាប់ទីផ្សារនៅអ៊ឺរ៉ុប ដែលនេះ គឺជាស្មាតហ្វូនជំនាន់ទី 4 នៃត្រកូលស្មាតហ្វូនម៉ូដែលនេះ។ ពេលនេះក្រុមហ៊ុននេះចាប់ផ្តើមធ្វើការ pre-order ទៅលើស្មាតហ្វូន Sony Xperia 10 IV នៅក្នុងចក្រភពអង់គ្លេស ដែលតម្លៃរបស់ស្មាតហ្វូននេះ គឺមានចាប់ផ្តើមពី 429 ផោន ហើយក្រុមហ៊ុននេះក៏មានការថែមជូននូវកាសស្តាប់ TWS earbuds ឥតគិតថ្លៃសម្រាប់អ្នកដែលបានធ្វើការ pre-order ទៅលើស្មាតហ្វូននេះផងដែរ។
ស្មាតហ្វូន Sony Xperia 10 IV នេះមានអេក្រង់ទំហំ 6-inch OLED ជាមួយនឹងកម្រិតភាពច្បាស់ Full HD+ និង 21:9 aspect ratio ។ ស្មាតហ្វូននេះមានកញ្ចក់ Triluminous ដែលភ្លឺជាងម៉ូឌែលមុនដល់ទៅ 50% ហើយវាការពារដោយកញ្ចក់ Gorilla Glass Victus ផងដែរ។ ស្មាតហ្វូននេះប្រើប្រាស់នូវបន្ទះឈីប Qualcomm Snapdragon 695 5G ដែលប្រើប្រាស់នូវបច្ចេកវិទ្យា 6nm ។ ស្មាតហ្វូននេះមានរ៉េមទំហំ 6GB និងម៉េមូរីទំហំ 128GB ។
ស្មាតហ្វូននេះ មានកាមេរ៉ាទំហំ 12-Megapixel Primary Sensor, 8-Megapixel Ultra-Wide Lens និង 8-Megapixel 2x Telephoto Lens។ នៅលើកាមេរ៉ានេះ ក៏មានមុខងារជាច្រើនទៀតដូចជា Superior Auto mode, Auto HDR, Night mode និងជាច្រើនទៀត។ ស្មាតហ្វូននេះមានកាមេរ៉ាខាងមុខទំហំ 8-megapixel ផងដែរ។ បន្ថែមពីនេះ ស្មាតហ្វូននេះ ក៏នូវមានរន្ធដោត 3.5mm headphone jack, LDAC, 360 Audio និង 360 Reality Audio Upmix។ ស្មាតហ្វូននេះ ប្រើប្រាស់នូវប្រព័ន្ធប្រតិបត្តិការ Android 12 និងថាមពលថ្មទំហំ 5,000mAh និងមានការគាំទ្រដោយបច្ចេកវិទ្យាសាកថ្មលឿន 30W fast charging ផងដែរ៕
