Nothing ដែលជាក្រុមហ៊ុនផផលិតឧបករណ៌សម្រាប់ប្រើប្រាស់ជាមួយនិងស្មាតហ្វូន បានប្រកាសចូលខ្លួនប្រឡូកនៅក្នុងទីផ្សារស្មាតហ្វូនហើយនៅពេលនេះ ក្រុមហ៊ុននេះ ក៏បានកំណត់កាលបរិច្ឆេតនៃការបង្ហាញវត្តមានរបស់ស្មាតហ្វូនម៉ូដែលរបស់ខ្លួន Nothing Phone 1 ផងដែរ។ បន្ថែមពីនេះ ក៏មានការបការបញ្ជាក់ថា ក្រុមហ៊ុន Nothing បាបចាប់ដៃគ្នាជាមួយនិង StockX ប្រកាសអោយមានការដាក់ដេចថ្លៃនូវស្មាតហ្វូន Phone 1 នេះចំនួន 100 គ្រឿងនៅថ្ងៃទី 21 ខែមិថុណានេះផងដែរ។
ស្មាតហ្វូននេះ ត្រូវបានគេបញ្ជាក់ថា នឹងបង្ហាញវត្តមានជាផ្លូវការបន្ទាប់ពីការដាក់ដេញថ្លៃដោយ StockX រួចរាល់។ សម្រាប់ពេលវេលានៃការដេញថ្លៃនេះ គឺនឹងធ្វើឡើងនៅចន្លោះម៉ោង 0900 ET នៅថ្ងៃទី 21 និងម៉ោង 0900 ET នៅថ្ងៃទី 23។ ជាមួយនិងការដេញថ្លៃនេះ គឺមនុស្សម្នាក់អាចចុះឈ្មោះបានតែម្តងប៉ុណ្ណោះនៅលើគណនី StockX សម្រាប់ការដេញថ្លៃ។
Nothing Phone 1 ត្រូវបានគេចាត់ទុលថា គឺជាស្មាតហ្វូនដែលមានការឌីស្សាញជាមួយនិងការបញ្ចេញនូវពន្លឺពណ៌នៃផ្ទៃខាងក្រោយ ហើយស្មាតហ្វូននេះ គឺនឹងមានការតម្លើងនូវអំពូល LED illumination ដែលរំលេចនូវពណ៌ចម្រុះស្អាតខ្លាំងណាស់។ មានការបញ្ជាក់ទៀតថា ស្មាតហ្វូននេះ នឹងប្រើឈីប Snapdragon 7 Gen 1 រត់នៅលើ Android 12 ផ្អែកជាមួយស្បែកកម្មវិធី Nothing OS តែម្តង។ នៅលើស៊ុមព័ទ្ធជុំវិញកស្មាតហ្វូននេះ គឺមានការរចនាចេញពីលោហៈ និងសម្រាប់ការសាកថ្ម គឺមានការប្រើប្រាស់នូវ wireless charging ថែមទៀតផង។
ផ្អែកលើដំណើរការនៃការដាក់ដេញថ្លៃរបស់ StockX នេះ សម្រាប់អ្នកដែលបានដេញថ្លៃបានចំនួន 100 គឺនឹងទទួលបានស្មាតហ្វូនរបស់ខ្លួនបន្ទាប់ពីការប្រកាសរយៈពេល 5 សប្តាហ៌ ហើយសម្រាប់ប្រទេសដែលអាចចុះឈ្មោះបាន គឺមានតែប្រជាជននៅប្រទេសកូរ៉េខាងត្បូង និងមិកស៊ិកូ តែប៉ុណ្ណោះ ដែលមានអតិភាពខ្ពស់ជាងនៅក្នុងការដេញថ្លៃនេះ។