Xiaomi 12S Ultra គឺជាស្មាតហ្វូនជំនាន់ថ្មី ដែលគេបញ្ជាក់ច្បាស់ថា នឹងមានការបង្ហាញខ្លួននៅលើទីផ្សារនាថ្ងៃទី 04 ខែកក្កដាខាងមុខនេះហើយនៅមុនការប្រកាសចេញមកដល់នេះ ក្រុមហ៊ុន Xiaomi ក៏បានទម្លាយចេញនូវព័ត៌មានកាមេរ៉ាដែលនឹងប្រើប្រាស់នៅលើស្មាតហ្វូននេះផងដែរ។ ក្រុមហ៊ុននេះ បានបញ្ជាក់ថា ស្មាតហ្វូន Xiaomi 12S ultra គឺនឹងប្រើប្រាស់នូវសិនស័រជំនាន់ថ្មីរបស់ក្រុមហ៊ុន Sony។
បើតាមការទម្លាយរូបភាពនៅលើ Weibo របស់ក្រុមហ៊ុន Xiaomi គឺបានបង្ហាញថា ស្មាតហ្វូន Xiaomi 12S Ultra នឹងមានការបំពាក់មកជាមួយនូវ Sony IMX989 sensor ដោយនេះគឺជាសិនស័រថ្មី មិនធ្លាប់មានការប្រើប្រាស់នៅលើស្មាតហ្វូនណាមួយនៅឡើយទេ ដោយស្មាតហ្វូន Xiaomi 12S ultra នឹងក្លាយជាម៉ូដែលដំបូងគេដែកប្រើប្រាស់សិនស័រនេះ។ ក្រុមហ៊ុននេះ បានបញ្ជាក់ច្បាស់ថា IMX989 គឺនឹងប្រើប្រាស់សិនស័រទំហំ 1-inch តែប៉ុណ្ណោះ។ សិនស័រនេះ នឹងជួយពង្រីកភិកសែលបានកាន់តែធំ និងជួយពន្លឺបានល្អទោះនៅក្នុងស្ថានភាពងងឹតក៏ដោយ ហើយជាពិសេសសិនស័រនេះ អាចរូប Focusing បានលឿនថែមទៀត។
បន្ថែមពីនេះ លោក Lei Jun ដែលជានាយកប្រតិបត្តិរបស់ Xiaomi បានសរសេរនៅលើ Weibo post ដោយបានបញ្ជាក់ថា ក្រុមហ៊ុន Sony បានធ្វើការចាប់ដៃគា្នជាមួយនិង Xiaomi ធ្វើការងារនេះ ដោយចំណាយថវិកាដល់ទៅ $15 លានដុល្លារ។ កន្លងមកមានការលើកឡើងថា Sony’s IMX989 នឹងប្រើប្រាស់កាមេរ៉ាទំហំ 50-megapixel ហើយក៏មានពាក្យចចាមអារ៉ាមថា កាមេរ៉ានេះ ក៏មានទំហំ 48MP 5x telephoto និង 48MP ultra wide-angle sensor ផងដែរ។ ហើយកាមេរ៉ាទំាងនេះ គឺប្រើប្រាស់បច្ចេកវិទ្យារបស់ Leica ទាំងអស់។
