នៅថ្ងៃនេះ អ្នកទម្លាយដ៏ល្បីល្បាញ Evan Blass ឬ @Evleaks បានបង្ហាញនូវរូបភាពរបស់ស្មាតហ្វូន Xiaomi 12 Lite 5G ហើយការបង្ហាញវត្តមានរបស់ស្មាតហ្វូននេះ នឹងចាប់ផ្តើមឆាប់ៗនេះហើយ។ បើមើលទៅលើរូបភាពរបស់ស្មាតហ្វូននេះ បានបង្ហាញថា ស្មាតហ្វូននេះ មាន 3 ពណ៌ គឺបៃតង ផ្កាឈូក និងខ្មៅ។ ស្មាតហ្វូននេះនឹងមានអេក្រង់ទំហំ 6.55 អ៊ីង AMOLED ជាមួយនឹងកម្រិតភាពច្បាស់ FHD+ និងមានល្បឿន 120Hz refresh rate។
ស្មាតហ្វូនថ្មីនេះ មានកាមេរ៉ាខាងមុខទំហំ 16-Megapixel Sensor ស្ថិតនៅកណ្តាលនៃអេក្រង់របស់ស្មាតហ្វូននេះ។ ផ្នែកខាងក្រោយរបស់ស្មាតហ្វូននេះ មានកាមេរ៉ា 3 គ្រាប់ ដោយកាមេរ៉ាមេមានទំហំ 108-Megapixel ជាមួយនឹងមុខងារទប់លំនឹង Optical Stabilization, 8-Megapixel Module ជាមួយនឹង Wide-Angle Optics និង 5-Megapixel Macro Sensor ។ ស្មាតហ្វូននេះនឹងមានបន្ទះឈីប Qualcomm Snapdragon 778G Processor ។ វាមានអង្គគណនា 8 Kryo 670 Cores ជាមួយនឹងល្បឿន 2.4GHz ក្រាហ្ងិកកាត Adreno 642L Graphics Accelerator និងម៉ូដឹម Snapdragon X53 5G modem។ ស្មាតហ្វូននេះមានរ៉េមទំហំ 6GB/8GB ហើយវាមានម៉េមូរីទំហំ 128GB។
ស្មាតហ្វូននេះ មានប្រព័ន្ធស្កេនក្រយ៉ៅដៃនៅលើអេក្រង់ រន្ធផត USB Type-C Port និង Infrared Transceiver ។ ស្មាតហ្វូននេះមានថាមពលថ្មទំហំ 4500 mAh ជាមួយនឹងបច្ចេកវិទ្យា 67-watt charging។ ស្មាតហ្វូននេះ ប្រើប្រាស់នូវប្រព័ន្ធប្រតិបត្តិការ Android 12 និង MIUI 13។ ក្រៅពីស្មាតហ្វូន Xiaomi 12 Lite 5G នេះ ក្រុមហ៊ុន Xiaomi បានបង្ហាញថា ស្មាតហ្វូន Xiaomi 12S ថ្មីនេះ នឹងបង្ហាញខ្លួននៅថ្ងៃទី 4 ខែកក្កដានេះ ហើយស្មាតហ្វូននេះមាន 3 ពណ៌។ ស្មាតហ្វូននេះ នឹងមាន 3 ម៉ូឌែលនោះគឺ Xiaomi 12S, Xiaomi 12S Pro និង Xiaomi 12S Ultra ៕
