ក្រុមហ៊ុន Motorola ត្រូវគេដឹងថា នឹងបង្ហាញវត្តមានស្មាតហ្វូនរបស់ខ្លួននៅខែក្រោយនេះហើយ ដោយរបាយការណ៌ដែលទទួលបានថ្មីនេះ គឺបានបញ្ជាក់ថា ក្រុមហ៊ុនស្មាតហ្វូនដែលគ្រប់គ្រងដោយក្រុមហ៊ុនមេ Lenovo នេះ គឺមានគម្រោងនឹងបង្ហាញវត្តមាននូវ Moto G62 5G ជាមួយនិងបន្ទះឈីប Snapdragon 8+ Gen 1 សម្រាប់ទីផ្សារប្រទេសឥណ្ឌា ហើយថ្ងៃនេះ ក្រុមហ៊ុននេះក៏បានប្រកាសពីវត្តមានរបស់ Moto X30 Pro ដែលជាម៉ូដែលប្រណិតរបស់ខ្លួនផងដែរ។
ក្រុមហ៊ុន Motorola បានប្រកាសនៅលើបណ្តាញ Weibo ថា ស្មាតហ្វូនជំនាន់ថ្មីនេះ ត្រូវបានគេស្គាល់ថា គឺជាស្មាតហ្វូនម៉ូដែល Moto X30 Pro ហើយក្រុអហ៊ុនបាននិយាយថា ស្មាតហ្វូនថ្មីនេះ នឹងមានការផ្តោតខ្លាំងទីៅលើ “super-realistic imagery” ជាមួយនិងការប្រើប្រាស់ឡែនដែលមាន 3 ទំហំផ្សេងៗគ្នាថែមទៀតផង ក្នុងនោះមានដូជជា ឡែន 35mm Human Eye និង 50mm Human Eye រួមនិងទំហំ 85mm Portrait Eye lens។ ស្មាតហ្វូននេះទំនងជានឹងមានការបង្ហាញវត្តមាននៅខែកក្កដាខាងមុខនេះ។
យោងតាមរបាយការណ៌បាននិយាយថា ស្មាតហ្វូននេះ គឺមានឈ្មោះថា “Moto X30 Pro” សម្រាប់ប្រទេសចិន និង “Moto Edge 30 Ultra” សម្រាប់ទីផ្សារសកល ហើយថ្មីៗនេះស្មាតហ្វូននេះក៏បានឆ្លងកាត់ 3C certification ដែលជាស្ថាប័នវាយតម្លៃរបស់ប្រទេសចិនរួចហើយផងដែរ ដោយមានការបង្ហាញថា នឹងមានការប្រើប្រាស់នូវកម្លាំងសាក 125W charger។ ស្មាតហ្វូន Motorola Edge X30 Pro ឬ Edge 30 Ultra ត្រូវបានគេទម្លាយថា នឹងមានអេក្រង់ទំហំ 6.73 អ៊ីងប្រភេទ OLED display បង្ហាញចេញបានកម្រិត FHD+ resolution និងមានកម្រិត refresh rate of 144Hz។ ស្មាតហ្វូននេះមានអេក្រង់កោង និងមានរន្ធ Punch Hole ហើយនិងមានការគាំទ្រដោយប្រព័ន្ធស្កែនម្រាមដៃនៅលើអេក្រង់ផងដែរ។
ទៅលើកម្លាំងម៉ាស៊ីនវិញស្មាតហ្វូននេះប្រើឈីប Snapdragon 8+ Gen 1 និងមានថ្មទំហំ 4,500mAh ហើយនិងមានការគាំទ្រដោយបច្ចេកវិទ្យាសាក 125W rapid charging ហើយនិងមានការទ្រទ្រង់នូវបច្ចេកវិទ្យាសាកឥតខ្សែ 50W wireless charging ថែមទៀតផង។ ស្មាតហ្វូននេះ រត់លើ Android 12 OS ផ្អែកលើ MyUX ចេញពីប្រអប់តែម្តង។ និយាយពីការថតរូបស្មាតហ្វូននេះ មានកាមេរ៉ាមុខទំហំ 60-Megapixel និងមានកាមេរ៉ាក្រោយដែលគាំទ្រដោយមុខងារទំប់លំនឹង OIS ទំហំ 194-megapixel ឬ 200-megapixel (main) និងគ្រាប់ទីពីរមានទំហំ 50-megapixel (ultrawide) រួមនិងគ្រាប់ទីបីមានទំហំ 12-megapixel (telephoto)។