ក្រុមហ៊ុន OPPO បាននឹងកំពុងតែត្រៀមខ្លួនក្នុងការប្រកាសចេញនូវស្មាតហ្វូន Reno 8 Series នៅក្នុងប្រទេសឥណ្ឌា និងទីផ្សារសកលដែលនឹងធ្វើឡើងនៅក្នុងពេលឆាប់ៗនេះហើយ។ ស្មាតហ្វូន Reno 8 Pro នេះ នឹងបង្ហាញខ្លួននៅក្នុងប្រទេសឥណ្ឌានៅថ្ងៃទី 21 ខែកក្កដានេះ។ នៅពេលនេះ ស្មាតហ្វូននេះ ក៏ទទួលបាននូវវិញ្ញាបនបត្រ FCC ហើយនឹងអាចបង្ហាញខ្លួនឆាប់ៗនេះនៅក្នុងសហរដ្ឋអាមេរិកផងដែរ។
ស្មាតហ្វូននេះជំនាន់ថ្មីនះ គឺមានលេខម៉ូដែល CPH2357 និងមានការតម្លើងមកជាមួយនឹងថាមពលថ្មទំហំ 4,500mAh និងមានការគាំទ្រដោយបច្ចេកវិទ្យាសាកថ្មលឿន 80W SUPERVOOC fast charging។ ស្មាតហ្វូននេះ ប្រើប្រាស់នូវប្រព័ន្ធប្រតិបត្តិការ Android 12 ផ្អែលជាមួយនឹង ColorOS 12.1។ ស្មាតហ្វូននេះ មានវិមាត្រ 61.2x74.2x7.34mm និងមានទម្ងន់ 183g។ បន្ថែមពីនេះ ស្មាតហ្វូននេះ ទ្រទ្រង់នូវ 5G និង 4G LTE ជាមួយនឹង Bluetooth, dual-band Wi-Fiនិង NFC។ អ្វីដែលគួរអោយចាប់អារម្មណ៍នោះនៅក្នុងឯកសារ FCC នេះ គឺបាននិយាយថា សម្រាប់ Hardware នេះទ្រទ្រង់ទៅលើ 5G NR band n77 និង n78 ថែមទៀតផង។
ស្មាតហ្វូន OPPO Reno 8 (Global) នេះ មានអេក្រង់ទំហំ 6.7 អ៊ីង Full HD+ AMOLED អាចរត់បានជាមួយនឹងល្បឿនកម្រិត 120Hz refresh rate។ ស្មាតហ្វូននេះមានបន្ទះឈីប MediaTek Dimensity 8100 Max នឹងមានការចូលរួមពី MariSilicon X NPU ដែលជាបន្ទះឈីបផ្ទាល់ខ្លួនរបស់ក្រុមហ៊ុន OPPO ផងដែរ។ ស្មាតហ្វូននេះ មានរ៉េមទំហំ 12GB LPDDR5 RAM និងមានមេម៉ូរីទំហំ 256 GB UFS 3.1 ផងដែរ។ ស្មាតហ្វូននេះ មានកាមេរ៉ាខាងក្រោយ 3 គ្រាប់ដែលមានទំហំ 50MP Sony IMX766, 8MP Ultra-Wide Lens និង 2MP Macro។ ស្មាតហ្វូននេះ មានកាមេរ៉ាខាងមុខទំហំ 32MP Sony IMX709 Selfie៕