នៅថ្ងៃនេះ បើតាមការបញ្ជាក់ចេញពីសារព័ត៌មាន ET News របស់ប្រទេសកូរ៉េខាងត្បូងបញ្ជាក់ថា ក្រុមហ៊ុន Samsung Electronics បានត្រៀមខ្លួនក្នុងការបង្ហាញនូវស្មាតហ្វូនដែលអាចបត់បានតម្លៃសមរម្យដែលមានតម្លៃក្រោម 1 លានវ៉ុន ឬ $770 ដើម្បីធ្វើការប្រគួតប្រជែងជាមួយដៃគូររបស់ខ្លួន ដែលកំពុងតែមានអភិវឌ្ឍចេញជាមួយតម្លៃធូថ្លៃ។
បើតាមការបញ្ជាក់របស់ក្រុមហ៊ុននេះ បានអោយដឹងថា ខ្លួគ្រោងនឹងបង្ហាញស្មាតហ្វូននេះនៅក្នុងឆ្នាំ 2024 នេះ។ ថ្មីៗនេះ ក្រុមហ៊ុន Samsung’s Mobile Experience (MX) ក៏ចាប់ផ្តើមគម្រោងក្នុងការអភិវឌ្ឍ និងផែនការក្នុងការផលិតទៅលើជម្រើសដែលមានតម្លៃសមរម្យសម្រាប់ស្មាតហ្វូន Galaxy Z Fold និង Z Flip ផងដែរ។
កាលពីឆ្នាំមុននេះ វត្តមានរបស់ស្មាតហ្វូន Galaxy Z Fold និង Flip គឺមានតម្លៃចាប់ពី $960 ទៅ $1540។ ស្មាតហ្វូនដែលមានតម្លៃសមរម្យ និងស្មាតហ្វូនថ្នាក់កណ្តាលគឺជាយុទ្ធសាស្រ្តដ៏សំខាន់របស់ក្រុមហ៊ុន Samsung ក្នុងការពង្រីកទៅលើទីផ្សាររបស់ខ្លួន។ ជាក់ស្តែងស្មាតហ្វូន Galaxy A series គឺលក់បានច្រើនបើធៀបជាមួយនឹងស្មាតហ្វូន Galaxy S ។សម្រាប់ទីផ្សារសកលនោះ ក្រុមហ៊ុននេះគឺមានប្រហែលជា90% នៃទីផ្សារស្មាតហ្វូនដែលអាចបត់បានផងដែរ៕