នៅក្នុងរបាយការណ៍ថ្មីមួយចេញពីអ្នកទម្លាយ Evan Blass បានបញ្ចេញអំពីផែនទីបង្ហាញផ្លូវនៃការប្រកាសចេញនូវវត្តមានរបស់ស្មាតហ្វូន Motorola ដែលក្រុមហ៊ុននេះបាននឹងកំពុងតែធ្វើការនៅលើស្មាតហ្វូនជាច្រើនម៉ូឌែលនៅក្នុងឆ្នាំនេះ។ សម្រាប់ Tundra គឺជាឈ្មោះកូដនៃស្មាតហ្វូន Edge Series Flagship ដែលប្រើប្រាស់នូវបន្ទះឈីប Snapdragon 888 Plus chip នេះ។
របាយការណ៍នេះ ក៏មានទម្លាយអំពីលក្ខណៈសម្បត្តិរបស់ស្មាតហ្វូន Motorola Bronco និង Canyon ដែលនឹងប្រើប្រាស់នូវបន្ទះឈីបSnapdragon 8 Gen 2។ នេះអាចនឹងក្លាយជាស្មាតហ្វូន Edge 40 Pro សម្រាប់ទីផ្សារសកល។ Motorola Canyon និង Bronco គឺជាស្មាតហ្វូន Next-Generation Flagships ដែលមានលក្ខណៈសម្បត្តិដូចគ្នា។ សម្រាប់ម៉ូឌែល Bronco គឺមានបន្ទះឈីប Flagship Mobile Chipset របស់ក្រុមហ៊ុន Qualcomm។ បន្ទះឈីប Snapdragon 8 Gen 2 នឹងបង្ហាញខ្លួននៅចុងឆ្នាំនេះ។
ស្មាតហ្វូន Canyon មានអេក្រង់ FHD+ ជាមួយនឹងកម្រិត refresh rate 165Hz ។ ស្មាតហ្វូននេះមានកាមេរ៉ាខាងមុខទំហំ 60-Megapixel និងកាមេរ៉ាខាងក្រោយទំហំ 50-Megapixel, 50-Megapixel Ultra-Wide និង 12-Megapixel Telephoto ។ សម្រាប់ម៉ូដែល Canyon នេះអាចនឹងជាស្មាតហ្វូន Edge 40 Pro។ ម៉ូដែល Bronco នឹងមានបន្ទះឈីប Snapdragon 8 Plus Gen 1។ ស្មាតហ្វូននេះមានអេក្រង់កម្រិតភាពច្បាស់ FHD+ ជាមួយនឹងកាមេរ៉ាខាងមុខទំហំ16-Megapixel។ ស្មាតហ្វូននេះ មានកាមេរ៉ាខាងក្រោយទំហំ 50-Megapixel, 13-Megapixel Ultra-Wide/Macro និង 2-Megapixel Depth Sensor ៕