យោងតាមព័ត៌មានចុងក្រោយបានបញ្ជាក់ថា ការបង្ហាញវត្តមានរបស់ស្មាតហ្វូន Xiaomi 12S series គឺនៅក្នុងពេលឆាប់ៗនេះ ហើយពេលនេះ យើងក៏បានដឹងព័ត៌មានអំពីស្មាតហ្វូននេះផងដែរ។ នៅមុនព្រឹត្តិការណ៍នៃការប្រកាសនេះ ក្រុមហ៊ុននេះក៏បានបង្ហោះព័ត៌មាននៅលើ Weibo ផងដែរ ដែលរូបភាពនេះ គឺមានការចែករំលែកអំពីរូបភាពនៃកាមេរ៉ាដែលថតចេញពីស្មាតហ្វូនថ្មីនេះ។
នៅក្នុងការបង្ហោះនៅលើបណ្តាញសង្គមនេះ ក្រុមហ៊ុនបច្ចេកវិទ្យាយក្សរបស់ចិននេះ បានចែករំលែករូបភាពចេញពីអ្នកជំនាញថតរូបភាពជាច្រើននៅក្នុងពិភពលោក។ ក្រុមហ៊ុននេះ បានបង្ហាញអំពីកិច្ចសហការរវាងក្រុមហ៊ុន Xiaomi x Leica នៅលើស្មាតហ្វូន Xiaomi 12S series ផងដែរ។ បើមើលទៅលើរូបភាពដែលថតចេញពីស្មាតហ្វូននេះ គឺមានពន្លឺច្បាស់យ៉ាងល្អ។ នៅក្នុងខែឧសភា ឆ្នាំ 2022 នេះ យើងបានដឹងថា នាយកប្រតិបត្តិការរបស់ក្រុមហ៊ុន Xiaomi អំពីភាពជាដៃគូជាមួយនឹងក្រុមហ៊ុន Leica ។
លោក Lei Jun និយាយអំពីកិច្ចសហការរវាងក្រុមហ៊ុនទាំងពីរនេះ ដែលមានការពង្រឹងទៅលើការថតរូបភាពបានច្បាស់នៅក្នុងពេលដែលមានពន្លឺទាប ជាពិសេសគឺនៅលើមុខងារ Night Mode នៅលើស្មាតហ្វូន Flagship នេះ។ នៅពេលនេះ វាមានការបង្ហាញអំពីរូបភាពចេញពីកាមេរ៉ារបស់ស្មាតហ្វូន Xiaomi 12S Series នេះ។ ក្រុមហ៊ុននេះ ក៏បានបង្ហាញនូវប្លង់នៃការថតរូបភាពផ្សេងៗគ្នាផងដែរ។ រូបភាពនេះ គឺពិតជាទាក់ទាញមែនទែន។ ស្មាតហ្វូន Xiaomi 12S series នេះគ្រោងនឹងបង្ហាញខ្លួននៅថ្ងៃទី 4 ខែកក្កដានេះ៕
