នៅឆ្នាំនេះ ក្រុមហ៊ុន Asus នឹងធ្វើការអាប់ដែតការប្រើប្រាស់បន្ទះឈីបថ្មីនៅលើស្មាតហ្វូនរបស់ខ្លួន ROG Phone 6 ជាមួយនិង Snapdragon 8+ Gen 1 បន្ទាប់ពីម៉ូដែលមុនប្រើប្រាស់បន្ទឈីប 888+។ ស្មាតហ្វូនថ្មីនេះ គឺត្រូវបានគេឃើញថា បានបង្ហាញខ្លួននៅលើ Geekbench ដោយមានការលាន់មាត់គ្រប់គ្នាៗថា សមត្ថភាពរបស់ស្មាតហ្វូននេះ គឺពិតជាញាក់សាច់។ ស្មាតហ្វូននេះបង្ហាញវត្តមានជាមួយនិងបន្ទះឈីប Snapdragon 8+ Gen 1 ហើយក៏មានការបញ្ជាក់ពីពិន្ទុដែលទទួលនបានផងដែរ។
ជាមួយគ្នាននេះ ក៏មានការទម្លាយថា ស្មាតហ្វូននេះ នឹងប្រើប្រាស់រ៉េមទំហំ 16GB ផងដែរ ស្របពេលដែលនៅស្ថាប័នរបស់ បានបញ្ជាក់ថា ស្មាតហ្វូនថ្មីនេះ គឺមានរ៉េមទំហំដល់ទៅ 18GB ដែលនេះគឺជាម៉ូដែលមួយធំជាងគេ។ មួយវិញទៀត ទាក់ទងនឹងរឿងនេះ ក៏មានការបញ្ជាក់ថា ស្មាតហ្វូននេះ គឺមានការដាក់អោយដំណើរការលើក្រាហ្វិកកាត Adreno 730 GPU ដែលមានល្បឿនប្រើប្រាស់បានលឿនជាងមុន 10% ធៀបជាមួយនិងបន្ទះឈីប Snapdragon 8 Gen 1 នៅពេលដែលរត់ជាមួួនិងក្រាហ្វិកខ្ពស់។ គេនៅមិនទាន់ទទួលបានព័ត៌មានការធ្វើតេស្តរបស់ Genchbench CPU នៅឡើយទេ ប៉ុន្តែក្រុមហ៊ុន Asus បានបញ្ជាក់ហើយថា ស្មាតហ្វូននេះ នឹងមានការបំពាក់នូវអេក្រង់ដែលមានល្បឿន 65Hz។
ប្រភពដដែលនេះ បានបន្តថា ស្មាតហ្វូន Asus ROG Phone 6 នេះ នឹងមានអេក្រង់ទំហំ 6.78 អ៊ីង និងមានថ្មទំហំ 6,000mAh ដែលមានការគាំទ្រដោយកម្លាំងសាក 65W fast charging។ ក្រុមហ៊ុន Asus នឹងធ្វើការប្រកាសចេញនូវស្មាតហ្វូន ROG Phone 6 ថ្មីនេះ នៅថ្ងៃទី 5 ខែកក្កដា នៅទីក្រុងតៃប៉ិះ ទីក្រុងប៊ែរឡាំង និងទីក្រុងញូវយ៉ក។