កាលពីសប្តាហ៌មុននេះ ក្រុមហ៊ុន OPPO បានប្រកាសចេញនូវស្មាតហ្វូន OPPO Reno 8 ជម្រើសពណ៌ស្វាយ Iris Purple នៅក្នុងប្រទេសចិន ហើយនិងមានការដាក់អោយមានការបញ្ជាទិញផងដែរ។ នៅថ្ងៃនេះ ស្មាតហ្វូនម៉ូដែលពិសេសនេះ គឺមានលក់ជាផ្លូវការហើយគឺមានទំហំ 8GB+128GB, 8GB+256GB និង 12GB+256GB ហើយសម្រាប់ស្មាតហ្វូនទាំងបីនេះ គឺអាចរកទិញបានជាមួយនិងពណ៌ថ្មី Iris Purple ទាំងអស់។ ស្មាតហ្វូននេះក៏មានចេញពណ៌ Slightly Drunk (Gold), Clear Sky Blue និង Night Tour Black ផងដែរ ហើយសម្រាប់តម្លៃ គឺចាប់ពី 2,499 Yuan (~$373), 2,699 Yuan (~$403), និង2,999 Yuan (~$448)។
ចំពោះ OPPO Reno 8 Pro ជម្រើស Iris Purple គឺនឹងមានលក់នៅថ្ងៃស្អែកនេះ គឺនៅថ្ងៃទី 2 ខែកក្កដា ដែលមានបីទំហំដូចគ្នា គឺមានទំហំ 8GB+128GB និង 8GB+256GB ហើយនិង 12GB+256GB។ សម្រាប់ពណ៌ Iris Purple ដែលមានទំហំ 8GB+256GB និង 12GB+256GB មានតម្លៃ 3,199 Yuan (~$477) និង 3,499 Yuan (~$522)។ ស្មាតហ្វូននេះក៏មានពណ៌ Slightly Drunk (Gold), Encounter Blue និង Night Tour Black shades ផងដែរ។ បន្ថែមពីនេះ ក្រុមហ៊ុនក៏មានប្រូម៉ូសិនចំណាយ 39.9 Yuan (~$6) បន្ថែមពីលើការជាវស្មាតហ្វូន Iris Purple របស់ Reno 8 និង 8 Pro អតិថិជននឹងទទួលបាននូវប្រអប់ពិសេស Flower Fairy។
ទាក់ទងជាមួយនិងព័ត៌មាននេះ ក្រុមហ៊ុន OPPO ក៏បានចែករំលែកនូវព័ត៌មានលំអិតរបស់ Reno 8 series សម្រាប់ទីផ្សារប្រទេសឥណ្ឌាផងដែរ ដោយទីផ្សារនេះ គឺមានតែពីម៉ូដែលប៉ុណ្ណោះ គឺ Reno 8 និង Reno 8 Pro ដែលផ្ទុយពីម៉ូដែលលក់នៅប្រទេសចិន គឺមាន Reno 8 Pro និង Reno 8 Pro+ ហើយម៉ូដែលទាំងពីរនឹងប្តូរទៅជា Reno 8 និង Reno 8 Pro សម្រាប់ប្រទេសឥណ្ឌា។ ស្មាតហ្វូនទាំងពីរនេះ នឹងបង្ហាញវត្តមាននៅថ្ងៃទី 21 ខែកក្កដា ខាងមុខនេះហើយ។