នៅថ្ងៃទី 15 ខែកក្កដានេះ លោក Vy Vo Xuan បានបង្ហាញនូវវីដេអូមួយរបស់ស្មាតហ្វូន OPPO Reno 6 Z 5G នៅលើ YouTube channel របស់គាត់ ដែលមានការទម្លាយនូវលក្ខណៈសម្បត្តិជាច្រើនរបស់ស្មាតហ្វូននេះ។ ដូចអ្វីដែលបានរំពឹងទុក វីដេអូបើកប្រអប់របស់ស្មាតហ្វូននេះ មានការបង្ហាញអំពីលក្ខណៈសម្បត្តិថ្មីៗ ដែលនឹងប្រើប្រាស់នៅលើស្មាតហ្វូនម៉ូឌែលថ្មីនេះ។ ស្មាតហ្វូន Reno6 Z នឹងប្រកាសបង្ហាញខ្លួននៅថ្ងៃទី 21 ខែកក្កដានេះ នៅក្នុងប្រទេសថៃ។ ដូចទៅនឹងស្មាតហ្វូនជាច្រើនទៀតដែរ ស្មាតហ្វូនថ្មីរបស់ OPPO នេះ ក៏មានការបែកធ្លាយជាច្រើននៅលើអនឡាញផងដែរ។
ពាក្យចចាមអារ៉ាមជាច្រើន បានបង្ហាញអំពីតម្លៃរបស់ស្មាតហ្វូន Reno6 Z និងលក្ខណៈសម្បត្តិរបស់វាផងដែរ។ ក្រុមហ៊ុន OPPO បានបង្ហាញនូរូបភាពជាច្រើននៅក្នុងប្រទេសមួយចំនួនអំពីស្មាតហ្វូននេះដែលមានដូចជាប្រទេសវៀតណាម និងហ្វីលីពីនផងដែរ។ បន្ថែមពីនេះទៀតនោះ ស្មាតហ្វូននេះក៏បង្ហាញខ្លួននៅលើវេបសាយលក់ជាច្រើននៅក្នុងប្រទេសវៀតណាមផងដែរមុនការប្រកាសជាផ្លូវការនេះ។ ក្រៅពីការទម្លាយនូវលក្ខណៈសម្បត្តិរបស់ស្មាតហ្វូននេះ វីដេអូនេះក៏មានការបង្ហាញអំពីតម្លៃរបស់ស្មាតហ្វូននេះផងដែរ។ ស្មាតហ្វូន Reno6 Z នេះ មានតម្លៃ $410 ហើយវាមានពណ៌ទឹកប្រាក់ និងពណ៌ខ្មៅ។
នៅក្នុងប្រអប់របស់ស្មាតហ្វូននេះគឺមានកាសស្តាប់ ខ្សែ USB Type-C Cable និង 30W Charging។ ស្មាតហ្វូននេះ មានអេក្រង់ 6.43-inch AMOLED ជាមួយនឹងរន្ធប្រហោង Punch-Hole និង Full-HD+។ អេក្រង់របស់ស្មាតហ្វូននេះ មានការទ្រទ្រង់ទៅលើបច្ចេកវិទ្យាស្កេនក្រយ៉ៅដៃក្រោមអេក្រង់សម្រាប់ការពារសុវត្ថិភាពផងដែរ។ ស្មាតហ្វូននេះមានកាមេរ៉ាខាងក្រោយ 3 គ្រាប់ដែលមានទំហំ 64MP, 8MP Wide-Angle និង 2MP Macro Sensor។ ស្មាតហ្វូននេះប្រើប្រាស់នូវបន្ទះឈីប MediaTek Dimensity 800U។
ស្មាតហ្វូន Reno6 Z 5G នេះមានរ៉េមទំហំ 8GB និងម៉េមូរីទំហំ 256GB។ ស្មាតហ្វូននេះ មានថាមពលថ្មទំហំ 4,310mAh និងបច្ចេកវិទ្យា 30W។ ស្មាតហ្វូននេះប្រើប្រាស់នូវ Android 11 និង ColorOS 11 ៕