យោងតាមរបាយការណ៍ថ្មីមួយបានទម្លាយថា ស្មាតហ្វូន Flagship ជាច្រើនរបស់ក្រុមហ៊ុនបច្ចេកវិទ្យាយក្សជាច្រើននៅក្នុងប្រទេសចិននឹងនាំយកនូវការប្រើប្រាស់នូវកាមេរ៉ា ToF (Time of Flight) វិញ។ ដំណឹងនេះកើតឡើងនៅពេលដែលក្រុមហ៊ុន Apple ត្រៀមបំពាក់នូវកាមេរ៉ា ToF LiDAR sensors នៅលើស្មាតហ្វូន 2021 iPhone Pro របស់ខ្លួននោះ។
តាមការបញ្ជាក់នៅក្នុងរបាយការណ៍ចេញពី DigiTimes បានអោយដឹងថា ក្រុមហ៊ុនម៉ាកយីហោជាច្រើនរបស់ចិនបានធ្វើការបញ្ជាទិញទៅលើសមាសភាគ និង lenses ជាច្រើនដែលពាក់ព័ន្ធទៅនឹងកាមេរ៉ា ToF។ ថ្មីនេះ ក្រុមហ៊ុន Honor ក៏បំពាក់នូវសេនស័រ ToF sensors នៅលើ Honor 50 Pro Series ដែលជាស្មាតហ្វូន Flagship របស់ខ្លួនផងដែរ។
ក្រុមហ៊ុនផ្គត់ផ្គង់មានដូចជា GaAs foundries Win Semiconductors, Advanced Wireless Semiconductor (AWSC) និងក្រុមហ៊ុនជាច្រើនទៀតដែលផ្គត់ផ្គង់អោយក្រុមហ៊ុន Apple ជាមួយនឹង 3D face ID sensors និង ToF LiDAR scanners សម្រាប់ស្មាតហ្វូន iPhones។ បន្ថែមពីនេះទៀតនោះ ប្រភពនេះបន្ថែមថា ស្មាតហ្វូន Huawei P50 series នឹងបំពាក់នូវសេនស័រ ToF ។
ក្រុមហ៊ុនផលិតស្មាតហ្វូន Samsung Electronics ប្រហែលជាមិននាំយកនូវសេនស័រ ToF នេះនៅលើស្មាតហ្វូន Flagshipប្រណិតរបស់ខ្លួននោះទេ ហើយក្រុមហ៊ុននេះក៏ប្រហែលជាមិនបញ្ចេញនូវស្មាតហ្វូនដែលមានកាមេរ៉ានេះផងដែរនៅក្នុងឆ្នាំនេះ។ ប្រភពនេះ ជឿជាក់ថា ក្រុមហ៊ុនផ្គត់ផ្គង់របស់តៃវ៉ាន់នេះ នឹងមើលឃើញនូវការបញ្ជាទិញជាច្រើននៅក្នុងឆមាសទី 2 នៅក្នុងឆ្នាំនេះ នេះគឺដោយសារតែការលក់ដ៏ខ្លាំងក្លានៃ 5G PA និងបន្ទះឈីប VSCEL សម្រាប់ស្មាតហ្វូន iPhones និងស្មាតហ្វូន Flagship ជាច្រើនទៀតដែលមានមូលដ្ឋាននៅក្នុងប្រទេសចិន។