របាយការណ៍ថ្មីបានទម្លាយថា iPhone 13 Series គឺនឹងមានការបង្កើននូវបច្ចេកវិទ្យាសាកថ្មលឿនដែលមានកម្លាំងដល់ទៅ 25W

នៅពេលដែលនិយាយអំពីបច្ចេកវិទ្យាសាកថ្មលឿន សព្វថ្ងៃនេះ ក្រុមហ៊ុនផលិតស្មាតហ្វូនជាច្រើនរបស់ចិន គឺបាននាំមុខហើយទៅលើបច្ចេកវិទ្យាមួយនេះ។ ហើយសម្រាប់ពេលដែរនេះ បច្ចេកវិទ្យាសាកថ្មកម្រិត 120W និង 100W Fast Charging គឺកំពុងតែធ្វើការផលិតទ្រង់ទ្រាយធំ និងប្រើប្រាស់នៅលើស្មាតហ្វូន Android ថែមទៀតផង។ បន្ថែមពីនេះ ក៏នឹងមានបច្ចេកវិទ្យា 200W Fast-Charging ឆាប់ៗនេះផងដែរ។ ប៉ុន្តែបើយើងមើលទៅលើ iPhones វិញនោះ ឃើញថា ការសាកថ្មកម្រិតខ្ពស់បំផុត គឺត្រឹមតែកម្រិត 20W ប៉ុណ្ណោះ។

នៅថ្ងៃនេះបើតាមការបញ្ជាក់ចេញពីខ្សែសង្វាក់ផ្គត់ផ្គង់របស់ Apple គឺបានទម្លាយថា iPhone 13 Series ត្រូវបានគេដឹងថា គឺក្រុមហ៊ុនអាមេរិកាំងមួយនេះ នឹងបង្កើននូវបច្ចេកវិទ្យាសាកថ្មដល់ទៅកម្រិត 25W ឯណោះ ដែលកម្លាំងសាកថ្មនេះ គឺនៅឆ្ងាយណាស់ក្នុងការប្រកួតប្រជែងនៅលើទីផ្សារ។ នៅពេលនេះ បច្ចេកវិទ្យាសាកថ្មលឿនបំផុត នៅលើ iPhone គឺមានចំនួន 20W ហើយបច្ចេកវិទ្យាសាកថ្មជំនាន់មុនរបស់វាគឺត្រឹមតែ 18W fast charging ប៉ុណ្ណោះ។ សម្រាប់ព័ត៌មានដែលថា ក្រុមហ៊ុន Apple បង្កើនបច្ចេកវិទ្យាសាកថ្មត្រឹមតែ 25W ដូចជាមិនច្រើននោះទេ ដូច្នេះ អ្នកប្រើប្រាស់ជាច្រើន គឺនៅតែត្រូវទិញនូវក្បាលឆ្នាំងសាកថ្មល្បឿនលឿនដាច់ដោយឡែកមួយទៀត។ 

ជាមួយគ្នានេះ តាមការបញ្ជាក់របស់ Apple បានអោយដឹងថា នេះគឺជាសកម្មភាពចាំបាច់សម្រាប់ការការពារបរិស្ថាន។ នៅលើវេបសាយរបស់ Apple នោះ ក្បាលឆ្នាំងសាក 20W គឺមានតម្លៃ $20 ខណៈពេលដែលឆ្នាំងសាក 25W charging នេះគឺមានតម្លៃជាង $25 ។ មានពាក្យចចាមអារ៉ាមជាច្រើនបានទម្លាយអំពី iPhone 13 Series នេះផងដែរ។ នៅក្នុងការទម្លាយចេញពី @LeaksApplePro បានអះអាងថា ស្មាតហ្វូននេះ នឹងបង្ហាញខ្លួននៅថ្ងៃទី 14 ខែកញ្ញានេះ។ ការ Pre-order ស្មាតហ្វូននេះគឺនៅថ្ងៃទី 17 ខែកញ្ញា ខណៈពេលដែលការនាំចេញស្មាតហ្វូននេះគឺនៅថ្ងៃទី 24 ខែកញ្ញា៕