តាមព័ត៌មានកន្លងមក បាននិយាយថា ក្រុមហ៊ុន Xiaomi ត្រៀមខ្លួនក្នុងការបញ្ចេញនូវស្មាតហ្វូនចំនួន 2 ម៉ូដែលបន្ថែមទៀតដែលមានលេខកូដ Vili និង Lisa។ ស្មាតហ្វូន Vili នេះ បានបង្ហាញខ្លួននៅលើវេបសាយ Federal Communications Commission (FCC) របស់សហរដ្ឋអាមេរិក។ តាមការបញ្ជាក់នៅក្នុងប្រភពនេះ បានអោយដឹងថា ស្មាតហ្វូននេះ នឹងមានបន្ទះឈីប Qualcomm Snapdragon 888 ដែលមានអង្គគណនា 8-Cores ដែលមានល្បឿន 2.84 GHz, Adreno 660 graphics accelerator និង Snapdragon X60 5G modem ជាមួយនឹងល្បឿនក្នុងការបញ្ចូនទិន្នន័យដល់ទៅ 7.5 Gbps ។
ស្មាតហ្វូននេះ មានអេក្រង់ Full HD+ AMOLED ជាមួយនឹងកម្រិតភាពច្បាស់ 2400×1080 pixels និង Refresh Rate 120 Hz។ ស្មាតហ្វូនម៉ូឌែល Lisa នេះ គឺមានបន្ទះឈីប Qualcomm Snapdragon 778G។ ស្មាតហ្វូននេះ មាន 8-Cores Kryo 670 ដែលមានល្បឿន 2.4 GHz, Adreno 642L Graphics Accelerator និង Snapdragon X53 5G modem។ ស្មាតហ្វូននេះ មានអេក្រង់ refresh rate90 Hz និងកាមេរ៉ា 3 គ្រាប់ដែលមានទំហំ 64-megapixel Samsung GW3 main sensor, wide-angle optics និង micromodule។
ថ្មីៗនេះ តាមការបញ្ជាក់នៅក្នុងរបាយការណ៍ជាច្រើនបានទម្លាយថា ក្រុមហ៊ុន Xiaomi មានគម្រោងក្នុងការនាំយកនូវបច្ចេកវិទ្យា សាកថ្មកម្រិតខ្ពស់ 2 សម្រាប់ស្មាតហ្វូនរបស់ខ្លួន។ យើងនិយាយអំពីបច្ចេកវិទ្យាសាកថ្ម HyperCharge – 200 watts ដែលអាចសាកថ្មទំហំ 4000 mAh នៅក្នុងពេលត្រឹមតែ 8 នាទីប៉ុណ្ណោះ។ យើងបានឃើញនូវបច្ចេកវិទ្យានេះនៅក្នុងខែឧសភាឆ្នាំនេះ ហើយថ្មីៗនេះ ក៏មានបច្ចេកវិទ្យា NuVolta Technologies ដែលមានកម្លាំង 200W charging ផងដែរ។ បន្ថែមពីនេះទៀតនោះ ស្មាតហ្វូនជាច្រើនរបស់ Xiaomi នឹងមានបច្ចេកវិទ្យា ultra-fast wireless charging ដល់ទៅ 120 watts ដែលអាចសាកថ្ម 4000 mAh ពី 0% ទៅ 100% នៅក្នុងពេលត្រឹមតែ 15 នាទីប៉ុណ្ណោះ៕