នៅខណៈពេលដែលក្រុមហ៊ុន Google បាននឹងកំពុងមមាញឹកខ្លាំងទៅលើការតេស្តសាកល្បងប្រព័ន្ទប្រតិការទូរស័ព្ទជំនាន់ថ្មីគឺ Android 12 ដែលជា Beta Version នៅលើទូរស័ព្ទ Google Pixel របស់ខ្លួនអស់រយះពេលពីរបីខែកន្លងមកនេះ។ ក្រុមហ៊ុន Asus ឯណេះវិញ ក៏បានសម្រេចក្នុងការដាក់អោយធ្វើបច្ចុប្បន្នភាពប្រព័ន្ធប្រតិបត្តិការ Android 11 នៅលើទូរស័ព្ទហ្គេមរបស់ខ្លួនជំនាន់ ROG Phone 3 ផងដែរ។ ដែលទូរស័ព្ទហ្គេម ROG Phone 3 បានប្រកាសមកជាមួយការដំឡើងនូវប្រតិបត្តិការ Android 10 ប៉ុណ្ណោះ។
សម្រាប់ Firmware ថ្មីដែល Asus បានប្រកាសនៅលើគេហទំព័ររបស់ខ្លួនគឺសម្រាប់ការធ្វើបច្ចុប្បន្នភាពនៅលើ ROG Phone 3 ពីប្រតិបត្តិការ Android 10 ឡើទៅ Android 11។ ទោះជាយ៉ាងណាសម្រាប់ការធ្វើបច្ចុប្បន្នភាពនេះត្រូវបានគេដឹងថា ជាជំហានដំបូងដែល Asus នឹងផ្តល់អោយសម្រាប់តែទូរស័ព្ទ ROG Phone 3 ដែលបានដាក់លក់នៅទីផ្សារតៃវ៉ាន់ប៉ុណ្ណោះ។ Firmware ថ្មីនេះគឺត្រូវបានផលិតឡើងក្រោមទម្រង់លេខកូដ WW-18.0410.2105.133 ដែលមានទំហំ 2.72GB សម្រាប់ការទាញយក។ សម្រាប់ការធ្វើបច្ចុប្បន្នភាពសម្រាប់ Asus ROG Phone 3 គឺនឹងទទួលបានមុខងារថ្មីៗទាំងស្រុងដែលមាននៅលើប្រតិបត្តិការ Android 11 រួមនឹងការឌីស្សាញថ្មីសម្រាប់ផ្ទៃមុខកម្មវិធី Asus ZenUI ផងដែរ។
ក្រោយពីការដាក់អោយធ្វើបច្ចុប្បន្នភាពសម្រាប់ទីផ្សារតៃវ៉ាន់ គេរំពឹងថា Asus នឹងផ្តល់លទ្ធភាពអោយអ្នកប្រើប្រាស់ ROG Phone 3 នៅទីផ្សារផ្សេងៗទៀតនៅទូទាំងពិភពអាចទទួលការធ្វើបច្ចុប្បន្នភាពប្រតិបត្តិការ Android 11 នេះផងដែរ មុនពេលដែលប្រតិបត្តិការ Android 12 ប្រកាសចេញផ្លូវការណ៍នាពេលដ៏ខ្លីខាងមុខនេះ៕