កាលពីខែខែឧសភា ឆ្នាំ 2021 កន្លងទៅនេះ ក្រុមហ៊ុន OPPO និងក្រុមហ៊ុនបុត្រសម្ព័ន្ធរបស់ក្រុមហ៊ុននេះ បានរួមគ្នាសម្រេចបានចំណាត់ថ្នាក់លេខរៀងទី 2 នៅក្នុងទីផ្សារស្មាតហ្វូនសកល ដោយក្រុមហ៊ុននេះ និងបុត្រសម្ព័ន្ធរបស់ខ្លួន មានចំណែកទីផ្សារប្រហែលជា 16% នៅជុំវិញពិភពលោក។ តាមការបញ្ជាក់នៅក្នុងរបាយការណ៍ចេញពី Counterpoint Research នោះ បានអោយដឹងថា ក្រុមហ៊ុនបច្ចេកវិទ្យាយក្សចិន និងក្រុមហ៊ុនបុត្រសម្ព័ន្ធនេះ គឺជាប់ចំណាត់ថ្នាក់លេខរៀងទី 2 នៅក្នុងទីផ្សារស្មាតហ្វូនសកល។
ក្រុមហ៊ុន Apple ត្រូវបានគេបញ្ជាក់ថា គឺបានជាប់ចំណាត់ថ្នាក់លេខរៀងទី 3 ជាមួយនឹងចំណែកទីផ្សារ 15% ហើយក្រុមហ៊ុន Xiaomi ជាប់លេខ 4 ជាមួយនឹងចំណែកទីផ្សារ 14% ។ លោក Jene Park អ្នកវិភាគជាន់ខ្ពស់របស់ក្រុមហ៊ុន Counterpoint បាននិយាយថា “ក្រុមហ៊ុន OPPO និងក្រុមហ៊ុនបុត្រសម្ព័ន្ធរបស់ខ្លួនគឺរួមគ្នាមានការលក់ច្រើនជាងក្រុមហ៊ុន Apple និងXiaomi នៅក្នុងខែមេសា និងឧសភា ហើយក្រុមហ៊ុននេះជាប់ចំណាត់ថ្នាក់លេខ 2 នៅលើពិភពលោកថែមទៀត។”
អ្នកវិភាគនេះបានបន្ថែមថា “ក្រុមហ៊ុន OPPO និងបុត្រសម្ព័ន្ធរបស់ខ្លួនអាចនឹងគ្រប់គ្រងទីផ្សារស្មាតហ្វូនពិភពលោកដែលមានប្រភពមកពីចិនបន្ទាប់ពី Huawei។” សម្រាប់អ្នកដែលមិនបានដឹងនោះ ក្រុមហ៊ុននេះគឺផ្តោតគោលដៅទៅលើការលក់ offline សម្រាប់ស្មាតហ្វូនលំដាប់ថវិកា ដល់ស្មាតហ្វូនថ្នាក់កណ្តាល។
ក្រុមហ៊ុន OnePlus ក៏មានគោលដៅក្នុងការប្រកួតប្រជែងនៅក្នុងស្មាតហ្វូនប្រណិតផងដែរ។ ខណៈពេលដែលក្រុមហ៊ុនបច្ចេកវិទ្យាទាំង 2 នេះគឺជាផ្នែកមួយនៃក្រុមហ៊ុនផលិតស្មាតហ្វូនរបស់ចិននោះ ក្រុមហ៊ុននីមួយៗក៏ធ្វើការជាក្រុមហ៊ុនឯករាជ្យ ហើយក៏ពង្រឹងទៅលើម៉ាកយីហោរៀងៗខ្លួនផងដែរ។ នេះពិតជាលទ្ធផលដ៏អស្ចារ្យមែនទែន៕