អាជ្ញាធរប្រឆាំងទំនុកចិត្តរបស់ប្រទេសកូរ៉េខាងត្បូង បានពិន័យក្រុមហ៊ុនបច្ចេកវិទ្យា Google នូវទឹកប្រាក់ចំនួន 207.4 ពាន់លានវ៉ុន ឬ 177 លានដុល្លារអាមេរិក។ ហេតុផលនៃការពិន័យនេះ គឺដោយសារតែការរំលោភទៅលើទីផ្សារ Android និងការយកឈ្នះដោយមិនស្មើភាពទៅលើក្រុមហ៊ុនប្រកួតប្រជែងនៅលើទីផ្សារ OS នេះ។ នៅក្នុងការស៊ើបអង្កេតមួយគឺចាប់ផ្តើមនៅក្នុងឆ្នាំ 2016 ហើយរយៈពេល 5 ឆ្នាំក្រោយមក លទ្ធផលក៏ត្រូវបានគេរកឃើញផងដែរ។
អាជ្ញាធរប្រឆាំងការផ្តាច់មុខបានសន្និដ្ឋានថា ក្រុមហ៊ុនបច្ចេកវិទ្យា Google បានបង្ខំអោយក្រុមហ៊ុន OEMs ធ្វើការចុះហត្ថលេខាទៅលើកិច្ចព្រមព្រៀង Anti-Fragmentation Agreement (AFA) ចាប់តាំងពីឆ្នាំ 2011 ។ បើមិនដូច្នេះទេនោះ ក្រុមហ៊ុន Google អាចនឹងដកសិទ្ធិក្នុងការចូលទៅក្នុងប្រព័ន្ធប្រតិបត្តិការ Android OS នេះ។
បើមើលទៅលើកិច្ចព្រមព្រៀងនេះ ក្រុមហ៊ុនជាច្រើន មិនអាចតម្លើងនូវ versions ដែលមិនផ្លូវការរបស់ Android នៅលើឧបករណ៍របស់ពួកគេបាននោះទេ។ សកម្មភាពនេះ អនុញ្ញាតអោយក្រុមហ៊ុន Google ឈរនៅចំណាត់ថ្នាក់ខ្ពស់នៅលើទីផ្សារ។ ហេតុផលមួយទៀតនៃការរំលោភបំពានរបស់ក្រុមហ៊ុន Google នោះគឺទៅលើ Google Play app store ដែលគ្រប់គ្រងទៅលើការចែកចាយទៅលើកម្មវិធី software ទៅលើឧបករណ៍ជាច្រើនរបស់ Android ៕