នៅសប្តាហ៍ក្រោយនេះ ក្រុមហ៊ុន realme នឹងមានការប្រកាសចេញនូវវត្តមានរបស់ស្មាតហ្វូនស៊េរីថ្មីរបស់ខ្លួន realme GT Neo 2 ហើយ ដែលស្មាតហ្វូននេះ គឺជាស្មាតហ្វូនជំនាន់ថ្មីរបស់ស្មាតហ្វូន realme GT Neo ដែលបានបង្ហាញវត្តមាននាពេលកន្លងមក។ ជាមួយនឹងព័ត៌មាននេះ ក្រុមហ៊ុន realme ក៏បាននិយាយអំពីផលិតផលថ្មីរបស់ខ្លួនផងដែរ ហើយនៅថ្ងៃនេះក្រុមហ៊ុននេះ ក៏បានចាប់ផ្តើមផ្តោតនៅលើអេក្រង់របស់ស្មាតហ្វូននេះទៀតផង។
បើតាមការបញ្ជាក់នាពេលកន្លងមក គឺបាននិយាយថា ស្មាតហ្វូននេះ នឹងប្រើប្រាស់នូវអេក្រង់ E4 flat AMOLED របស់ក្រុមហ៊ុន Samsung ដែលមានកម្រិតពន្លឺដល់ទៅ 1300nits។ ស្មាតហ្វូនថ្មីនេះ គឺមានអេក្រង់ទំហំ 6.62 inches ជាមួយនឹងកម្រិតភាពច្បាស់ FullHD + និងមានល្បឿនកម្រិត refresh rate 120Hz។ ស្មាតហ្វូននេះអាចធ្វើការកែប្រែទៅលើ refresh rate ចាប់ពី 30Hz ទៅ 120Hz ផងដែរ។
ស្មាតហ្វូន realme GT Neo 2 នេះនឹងមានការទ្រទ្រង់នូវមុខងារ DC Dimming ដែលអាចកាត់បន្ថយទៅលើពន្លឺដែលប៉ះពាល់ដល់ភ្នែកផងដែរ។ realme GT Neo 2 នឹងមានអេក្រង់ដែលអាចស្កេនក្រយ៉ៅដៃ បន្ទះឈីប Snapdragon 870 chipset រ៉េមទំហំ 12GB ម៉េមូរិទំហំ 512GB ថាមពលថ្មទំហំ 5000 mAh និងបច្ចេកវិទ្យា 65 W fast charging ផងដែរ។ ស្មាតហ្វូននេះមានកាមេរ៉ាខាងមុខទំហំ 16MP Selfie និងកាមេរ៉ាខាងក្រោយទំហំ 64MP+8MP (ultra-wide)+2MP៕
