ថ្មីៗនេះលេចលឺដំណឹងថា Huawei ដែលជាក្រុមហ៊ុនផលិតស្មាតហ្វូនរបស់ចិន នឹងបង្ហាញនូវស្មាតហ្វូន Huawei nova 9 series ឆាប់ៗនេះហើយ ដោយស្មាតហ្វូននេះមាន 2 ម៉ូដែលសម្រាប់ធ្វើការជ្រើសរើស គឺ Huawei nova 9 និង Huawei nova 9 Pro។ ស្មាតហ្វូនទាំងពីរនេះនឹងមានអេក្រង់ Hyperboloid punch-hole ដោយស្មាតហ្វូន nova 9 គឺមានអេក្រង់ទំហំ 6.57 inches ខណៈពេលដែលស្មាតហ្វូន Pro version គឺមានអេក្រង់ទំហំ 6.72 inches។ ស្មាតហ្វូនទាំងពីរនេះគឺមានកម្រិតអេក្រង់ 120Hz ។
ស្មាតហ្វូនទាំងពីរ មានកាមេរ៉ាគោលទំហំ 50MP ។ សម្រាប់ស្មាតហ្វូន Nova 9 គឺមានថាមពលថ្មទំហំ 4300 mAh ដែលមានការទ្រទ្រង់ជាមួយនឹងបច្ចេកវិទ្យាសាកលឿនកម្លាំង 66W fast charging ផងដែរ។ ស្មាតហ្វូនម៉ូដែល Pro គឺមានថាមពលថ្មទំហំ 4000 mAh ជាមួយនឹងបច្ចេកវិទ្យាសាកកម្លាំង 100W fast charging ផងដែរ។ ស្មាតហ្វូន Huawei nova 9 និង nova 9 Pro ប្រើប្រាស់នូវបន្ទះឈីប Snapdragon 778G 4G chips។ បើសិនជាយើងមើលទៅលើស្មាតហ្វូន Huawei P50 flagship series ក៏ប្រើប្រាស់នូវបន្ទះឈីប 4G processors អញ្ចឹងដែរ។ លោក Yu Chengdong បាននិយាយថា សម្រាប់ស្មាតហ្វូន P50 series គឺពិតតជាទ្រទ្រង់នូវបច្ចេកវិទ្យា 4G, dual-network concurrency, AI signal prediction និងបច្ចេកវិទ្យាជាច្រើនទៀត។
ជាមួយនឹងការបង្ហាញវត្តមានរបស់ស្មាតហ្វូន Huawei nova 9 series នេះ យើងរំពឹងថា ស្មាតហ្វូននេះនឹងផ្តល់នូវបទពិសោធន៍ដ៏អស្ចារ្យបំផុតនៅលើស្មាតហ្វូន P50 Series។ មួយវិញទៀតនោះ ស្មាតហ្វូន nova series ក៏មានការគាំទ្រជាច្រើនឆ្នាំមកហើយដែរ។ ស្មាតហ្វូន nova 9 series របស់ក្រុមហ៊ុន Huawei នេះនឹងប្រើប្រាស់នូវប្រព័ន្ធប្រតិបត្តិការ HarmonyOS 2.0 ផងដែរ៕