ក្រុមហ៊ុនបច្ចេកវិទ្យា vivo ទើបតែប្រកាសបង្ហាញនូវបន្ទះឈីប Imaging Chip V1 ដែលអភិវឌ្ឍដោយខ្លួនឯងនៅក្នុងព្រឹត្តិការណ៍សារព័ត៌មានមួយកាលពីសប្តាហ៍មុននេះនៅក្នុងទីក្រុង Shenzhen ប្រទេសចិន។ នៅក្នុងព្រឹត្តិការណ៍នេះ ក្រុមហ៊ុន vivo បានប្រកាសបង្ហាញនូវឈីប Imaging Chip V1 ហើយនេះគឺជាការពង្រីកនូវផ្លូវយុទ្ធសាស្រ្តរយៈពេលវែងចំនួន 4 របស់ខ្លួន។
លោក Hu Baishan អនុប្រធានជាន់ខ្ពស់ និងជាCOO របស់ក្រុមហ៊ុន vivo និយាយថា “បន្ទះឈីប V1 នេះគឺមានការបញ្ចូលគ្នានៃ circuit chip សម្រាប់បច្ចេកវិទ្យារូបភាព និងវីដេអូដែលធ្វើអោយគុណភាពរូបរាងច្បាស់ និងអស្ចារ្យបំផុតក្នុងការប្រើប្រាស់។ ឈីប Imaging Chip V1 អាចបំពេញនូវតម្រូវការរបស់អ្នកប្រើប្រាស់ក្នុងការថតរូបភាព និងការថតវីដេអូនៅក្នុងកម្រិតល្អបំផុត។”
បន្ទះឈីប Imaging Chip V1 នេះ គឺស្ថិតនៅក្នុងការអភិវឌ្ឍអស់រយៈពេល 24 ខែតាមរយៈបុគ្គលិកស្រាវជ្រាវ និងអភិវឌ្ឍច្រើនជាង 300 នាក់ និងអ្នកជំនាញនៅក្នុងបន្ទប់ពិសោធន៍ជាច្រើននាក់ទៀតនៅក្នុងក្រុមហ៊ុន vivo ។ នៅក្នុងគោលដៅរបស់ក្រុមហ៊ុន vivo ក្នុងការអភិវឌ្ឍទៅលើបច្ចេកវិទ្យា Innovative image processing (IP) technology ដែលផ្តោតទៅលើផ្លូវយុទ្ធសាស្រ្តចំនួន 4 នោះគឺប្រព័ន្ធរូបភាព image system,ប្រព័ន្ធប្រតិបត្តិការ operating system,ការឌីស្សាញនៃឧស្សាហកម្ម industrial design និងដំណើការ performance។ នៅក្នុងទស្សនៈរបស់លោក Huនោះ ក្រុមហ៊ុន vivo នឹងពិចារណាក្នុងការអភិវឌ្ឍទៅលើបន្ទះឈីបជាច្រើនជាមួយនឹងដៃគូជាច្រើនទៀតនៅពេលដែលមានកង្វះនៅក្នុងការផ្គត់ផ្គង់នៅលើទីផ្សារដែលសក្តិសមបំផុតសម្រាប់ផលិតផល និងអ្វីដែលជាតម្រូវការរបស់ក្រុមហ៊ុន vivo ។
ក្រុមហ៊ុនបច្ចេកវិទ្យា vivo នឹងផ្តោតទៅលើយុទ្ធសាស្រ្តជាច្រើនរបស់ខ្លួនដោយស្របទៅតាមតម្រូវការរបស់អ្នកប្រើប្រាស់តាមរយៈ IP Design និងការអភិវឌ្ឍទៅលើ image processing algorithms ដែលមានភាពច្នៃប្រឌិតបំផុត។ លោកបន្ថែមថា “បន្ថែមពីការពង្រឹងទៅលើ Effects ទៅលើ Imaging សម្រាប់ផលិតផលជាច្រើនរបស់ក្រុមហ៊ុន Vivo នោះ ឈីប Imaging Chip V1 នេះក៏មានគោលដៅក្នុងការនាំយកនូវបទពិសោធន៍ជាច្រើនទៅកាន់អ្នកប្រើប្រាស់។ ក្រុមហ៊ុន vivo ក៏ប្តេជ្ញាចិត្តយ៉ាងរឹងមាំក្នុងការវិនិយោគរយៈពេលវែងនៅក្នុងផ្លូវយុទ្ធសាស្រ្តចំនួន 4 របស់ខ្លួនដើម្បីបង្កើតនូវបច្ចេកវិទ្យានាំមុខគេនៅក្នុងឧស្សាហកម្មនេះ និងប្រកបដោយភាពច្នៃប្រឌិតបំផុត ហើយនេះពិតជាអាចបំពេញទៅលើតម្រូវការរបស់អ្នកប្រើប្រាស់នៅគ្រប់ស្មាតហ្វូន High-End ។ ”
កាលពីដើមឆ្នាំ 2019 នេះ ក្រុមហ៊ុន Vivo ក៏ចាប់ផ្តើមក្នុងការច្នៃប្រឌិតដែលផ្តោតទៅលើការឌីស្សាញ និងភាពច្នៃប្រឌិតដែលជាតម្រូវការរបស់អ្នកប្រើប្រាស់នៅក្នុងការឈានដល់ការសម្រេចនូវគោលដៅនៃយុទ្ធសាស្រ្តរយៈពេលវែងនៅលើផ្លូវទាំង 4 នេះ។ ចាប់តាំងពីពេលនោះមក ក្រុមហ៊ុន vivo ក៏បានជ្រើសរើសបុគ្គលិកដែលមានបទពិសោធន៍ជាច្រើននៅជុំវិញពិភពលោកដើម្បីអនុវត្តន៍ទៅលើយុទ្ធសាស្រ្តដ៏ខ្លាំងក្លានេះ។
Image system គឺជាផ្នែកមួយនៃផ្លូវយុទ្ធសាស្រ្តរយៈពេលវែងរបស់ក្រុមហ៊ុន vivo ។ ក្រុមហ៊ុន vivo ក៏បានវិនិយោគយ៉ាងខ្លាំងទៅលើបច្ចេកវិទ្យានេះអស់រយៈពេល 5 ឆ្នាំហើយដែលលក្រុមហ៊ុននេះក៏ផ្តោតខ្លាំងទៅលើបច្ចេកវិទ្យា Gimbal Stabilization technology និង Selfie Spotlight ផងដែរ។ នៅក្នុងខែធ្នូ ឆ្នាំ 2020នេះ ក្រុមហ៊ុន vivo និង ZEISS ក៏ប្រកាសអំពីភាពជាដៃគូសហការរយៈពេលវែងនៅក្នុងបច្ចេកវិទ្យារូបភាពនេះ។ ភាគីទាំងពីរចែករំលែកនូវមហិច្ឆិតារបស់ខ្លួនក្នុងការសម្រេចបាននូវអ្វីដែលជាតម្រូវការរបស់អ្នកប្រើប្រាស់ ហើយវាក៏មានការចូលរួមជាមួយនឹងក្រុមអ្នកស្រាវជ្រាវ និងអភិវឌ្ឍនៅក្នុង vivo ZEISS Imaging Labផងដែរ។
ភាពជាដៃគូរបស់ក្រុមហ៊ុន vivo និង ZEISS គឺផ្តោតទៅលើមុំសំខាន់ចំនួន 2 នោះគឺទី ១ ផ្តោតទៅលើការអភិវឌ្ឍ និងការស្រាវជ្រាវ (R&D) ។ លទ្ធផលនៃការចូលរួមនៅក្នុងការអភិវឌ្ឍ និងស្រាវជ្រាវ និងការចូលរួមជាមួយនឹងបច្ចេកវិទ្យា ZEISS technologies ដែលធ្វើអោយបច្ចេកវិទ្យាស្មាតហ្វូនរបស់ក្រុមហ៊ុន Vivo នាំមុខគេទៅលើការថតរូបភាព។ សម្រាប់ស្មាតហ្វូន X60 series គឺប្រើប្រាស់នូវបច្ចេកវិទ្យា Biotar Portrait Style ដ៏ខ្លាំងក្លាក្នុងការប្រើប្រាស់ផងដែរ។ សម្រាប់ផ្នែកទី ២ គឺផ្តោតទៅលើការពង្រឹងទៅលើសមត្ថភាពនៃការថតរូបភាពសម្រាប់ពេលអនាគតដែលនាំយកនូវបច្ចេកវិទ្យាអស្ចារ្យៗជាច្រើនកម្រិតខ្ពស់នៅក្នុងការថតរូបភាព និងការថតវីដេអូ។ គួរបញ្ជាក់ផងដែរថា គោលដៅរបស់ក្រុមហ៊ុន vivo នៅក្នុងរយៈពេល 10 ទៅ 20 ឆ្នាំទៀតនោះគឺការបង្កើតនូវផលិតផលជាច្រើនដើម្បីបង្កើតនូវស្ពានមួយរវាងមនុស្ស និងពិភពឌីជីថលតាមរយៈការផ្តល់អោយអ្នកប្រើប្រាស់នូវបទពិសោធន៍ឌីជីថលដ៏អស្ចារ្យបំផុតតាមរយៈស្មាតហ្វូនរបស់ពួកគេ៕