Nokia G50 5G បានឆ្លងកាត់ការបញ្ជាក់វិញ្ញាបនបត្រ FCC ដោយមានការបង្ហាញផ្លូវការណ៍ពីទំហំថាមពលថ្មហើយ

កាលពីប៉ុន្មានសប្តាហ៍មុននេះ គំរូរបស់ស្មាតហ្វូន Nokia G50 5G រួមជាមួយនឹងលក្ខណៈសម្បត្តិទូទៅមួយចំនួនរបស់ស្មាតហ្វូនេះ ក៏ត្រូវបានគេទម្លាយចេញហើយ។ នៅថ្ងៃនេះ មានលេចចេញនូវព័ត៌មានថ្មីរបស់ស្មាតហ្វូននេះទៀតហើយ ដោយវាត្រូវបានគេប្រទះឃើញថា បាន Nokia G50 5G បានឆ្លងកាត់ការបញ្ជាក់វិញ្ញាបនបត្រ FCC រួចរាល់ហើយ ដោយមានការបង្ហាញផ្លូវការណ៍ថា ស្មាតហ្វូននេះ គឺមានការទ្រទ្រង់ជាមួយនឹងប្រព័ន្ធសេវា 5G និងមានថាមពលថ្មទំហំ 4,850 mAh ដែលដូចគ្នាទៅនឹងការទម្លាយពីមុនមកអញ្ចឹងដែរ។ 

បន្ថែមពីនេះ នៅលើស្ថាប័ន្ធ  FCC ក៏មានការបង្ហាញថា ស្មាតហ្វូនជំនាន់ថ្មីរបស់ក្រុមហ៊ុន HMD Global នេះ គឺមានលេចកូដម៉ូដែល TA-1370/TA-1390  ដោយថែមទាំងមានការបញ្ជាក់ទៀតថា ថាមពលថ្មរបស់ស្មាតហ្វូននេះ គឺពិតជាមានសុវត្ថិភាពជាមួយនឹងការប្រើប្រាស់នៅលើសេវា GSM, LTE  រួមនិង NR bands ក៏ដូចជាបច្ចេកវិទ្យាតភ្ជាប់ផ្សេងទៀតដូចជា Bluetooth ហើយ Wi-Fi frequencies ជាដើម។

ជាមួយគ្នានេះ បើមើលទៅលើរូបភាពនៃគំរូស្មាតហ្វូនថ្មីនេះ គឺពិតជាបង្ហាញយ៉ាងច្បាស់តែម្តង។ រូបភាពនេះត្រូវបានបញ្ចេញដោយលោក Roland Quandt អ្នកទម្លាយចេញ ដែលមានការបញ្ជាក់ថា ស្មាតហ្វូន Nokia G50 5G ជំនាន់់ថ្មីនេះ គឺជាស្មាតហ្វូនថ្នាក់កណ្តាលដែលមានបំពាក់នូវអេក្រង់ waterdrop notch និងមានកាមេរ៉ាក្រោយរចនាបែបជាងរង្វង់ពិតជាស្អាតមែនទែន។