កាលពីអំឡុងខែមិនាឆ្នាំ 2021 ក្រុមហ៊ុន Samsung បានប្រកាសបង្ហាញចេញនូវបច្ចេកវិទ្យាអេក្រង់ OLED ទំហំ 14 អ៊ីញខ្នាត 16:10 aspect ratio មានល្បឿន refresh rate 90Hz និងគាំទ្រកម្រិតរីសូលូហ្ស៊ិនទំហំ 2880 x 1800px សម្រាប់កុំព្យូទ័រយួរដៃ ហើយពេលនេះ Samsung បានប្រកាសចាប់ផ្តើមផលិតបន្ទះឈីបថ្មីនេះក្នុងទ្រង់ទ្រាយធំហើយ។ សម្រាប់ម៉ាស៊ីនកុំព្យូទ័រយួរដៃដំបូងគេដែលប្រើបន្ទះអេក្រង់ OLED ថ្មីទំហំ 14 អ៊ីញនេះត្រូវបានគេជឿជាក់ថាគឺកុំព្យូទ័រយួរដៃជំនាន់ថ្មីចុងក្រោយរបស់ Asus។
បើតាមការប្រាប់ឲ្យដឹងពី Samsung បន្ទះអេក្រង់ OLED 90Hz ថ្មីរបស់ខ្លួនគឺមានល្បឿនប្រើការលូនជាងអេក្រង់ LCD 120Hz panel នោះក៏ដោយសារតែវាប្រើនូវបច្ចេកវិទ្យា OLED ដែលកាត់បន្ថយកម្រិតភាពទាក់ញាក់អាក់នៅពេលអូសប្រើកម្មវិធី។ ជាងនេះទៅទៀតបន្ទះអេក្រង់ OLED ក៏ផ្តល់នូវកម្រិតពណ៌ខ្មៅដិតខ្លាំង និងកម្រិតទឹកពណ៌បានច្បាស់ល្អជាងបន្ទះអេក្រង់ LCD panel។
ជាមួយគ្នានេះបន្ទះអេក្រង់ OLED ថ្មីសម្រាប់ប្រើនៅលើកុំព្យូទ័រយួរដៃ 14 អ៊ីញក៏គាំទ្រនូវបច្ចេកវិទ្យាចាក់ទឹកពណ៌កម្រិត 100% DCI-P3 ដែលល្អបំផុតសម្រាប់ការបង្ហាញកម្រិតគុណភាពរបស់ហ្គេម មានល្បឿន response times លឿនជាងមុខ និងកម្រិតបង្ហាញបានទូលាយជាងមុន។ សម្រាប់ម៉ាស៊ីនកុំព្យូទ័រយួរដៃជំនាន់ថ្មីដំបូងគេដែលនឹងបំពាក់អេក្រង់ Samsung OLED-90Hz 14 អ៊ីញគឺអាចជាម៉ូដែល Asus ZenBook 14X Pro និង Vivo Pro 14X៕
