ថេប្លេត Lenovo Xiaoxin Pad Pro 12.6 គឺស្ថិតនៅក្នុងព័ត៌មានជាច្រើននៅក្នុងរយៈពេលប៉ុន្មានសប្តាហ៍នេះ។ ក្រុមហ៊ុននេះក៏ទម្លាយនូវមុខងារជាច្រើនរបស់ថេប្លេតនេះផងដែរ។ នៅក្នុងព័ត៌មានចុងក្រោយបំផុតនេះ បានទម្លាយនូវ Speakers និងទម្ងន់របស់វា។
តាមការបញ្ជាក់របស់គណនី Lenovo Xiaoxin នៅលើ Weibo នោះ ថេប្លេត Lenovo Xiaoxin Pad Pro 12.6 អ៊ីង នឹងមាន JBL Speakers ចំនួន 4។ សម្រាប់ Speakers ទាំងនេះគឺមានការទ្រទ្រង់នូវ Dolby Atmos ផងដែរ។ ថេប្លេតនេះគឺមានអេក្រង់ 12.6 អ៊ីង Samsung E4 AMOLED ជាមួយនឹងកម្រិតភាពច្បាស់ 2560x1600Pixels។ អេក្រង់នេះ ក៏មានមុខងារជាច្រើនទៀតដូចជា កម្រិតពន្លឺ 10,000,000:1 Contrast Ratio មានល្បឿន 120Hz Refresh Rate, 360Hz Touch Sampling Rate, មុខងារ HDR10+, បច្ចេកវិទ្យាសម្លេង Dolby Vision, 600 Nits Brightness, DC Dimming រួមនិងការបញ្ជាក់ពីវិញ្ញាបនបត្រ TÜV Rheinland EyeSafe Display 2.0 ផងដែរ។
ថេប្លេតនេះមានទម្ងន់ 568g។ វាក៏មានតួខ្លួនធ្វើពីលោហធាតុដែលមើលទៅពិតជាប្រណិតដូចទៅនឹង Apple iPad Pro និង Galaxy Tab S Series ផងដែរ។ ថេប្លេត Lenovo Xiaoxin Pad Pro 12.6 នេះមានបន្ទះឈីប Qualcomm Snapdragon 870, ZUI 13 កាមេរ៉ាភ្លោះខាងក្រោយទំហំ 13MP+5MP កាមេរ៉ាខាងមុខទំហំ 8MP+ToF ប្រព័ន្ធស្កេនក្រយ៉ៅដៃនៅចំហៀង រន្ធដោត MicroSD card រន្ធដោត USB 3.1 (Type-C) ថាមពលថ្មទំហំ 10,200mAh និងបច្ចេកវិទ្យាសាកថ្ម 45W Fast Charging។ ថេប្លេត Lenovo Xiaoxin Pad Pro 2021 នេះ គឺមានតម្លៃ ¥2,999 ($465) នៅក្នុងប្រទេសចិន៕
